(010) 303-300
Հրայրը սիրահարվել էր Արցախ աշխարհին և նվիրվել անմնացորդ՝ դեռևս աշխատանքային տարիներից: 2012թ-ին ավարտելով մեր համալսարանը՝ ճարտարապետություն-դիզայն մասնագիտությամբ, անմիջապես աշխատանքի է անցնում շինարարական ընկերությունում՝ որպես հիմնադիր տնօրեն:
Արցախի բնության, արցախյան ճարտարապետության և մշակույթի նկատմամբ սերն ու հետաքրքրությունը Հրայր Ասրյանին 2018թ-ին. ուղղորդեցին այնտեղ՝ զբաղեցնելու Շահումյանի շրջանի քաղաքաշինության և ճարտարապետության բաժնի պետի պաշտոնը: Հասցրեց բազմաթիվ նախագծեր իրականացնել, մեծ մասը, սակայն, այդպես էլ մնացին թղթի վրա և Հրայրի՝ անդադար ուսումնասիրող ու պրպտող մտքում:
Դեպի մեծագույն երազանքը տանող ճանապարհն էլ էր նախագծել և, կրկին, Արցախում. բա՜րձր ժայռի գլխին տուն էր կառուցում, որ ամուսնանար ու իր ստեղծած ինքնատիպ աշխարհում վայելեր սիրելի Արցախի օդով համեմված երջանկությունը: Սակայն, Նրա ճանապարհն ու տունը կիսատ մնացին՝ խաչվելով պատերազմի հետ: Կամավորագրվելով Շահեն Մեղրյանի անվան ջոկատին՝ մարտեր մղեց Շուշիի Քարինտակ գյուղում և հերոսաբար զոհվեց հոկտեմբերի 31-ին:
Հավերժ փա՜ռք ու խոնարհո՜ւմ, երազանքներ կառուցող Հերոս:
