(010) 303-300
ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ
100-ամյա պատմություն ունեցող համալսարան
«Թերմոռոս Արմենիա» ՓԲԸ տեխնիկական տնօրեն, ջեռուցման, հովացման և օդափոխության ինժեներ Ռազմիկ Զարիֆյանը հավաստագրեր հանձնեց ՃՇՀԱՀ-ում համատեղ կազմակերպված եռօրյա սեմինար-դասընթացի մասնակիցներին: Վերջիններս ընկերությունում շրջայց կատարեցին՝տեղում ծանոթանալով ժամանակակից տեխնիկային, սարքավորումների տեսականուն: Սեմինարի ընթացքում ստացած գիտելիքները տեղափոխվեցին գործնական դաշտ:
Ջերմագազամատակարարման և օդափոխության ամբիոնի վարիչ Ա. Քարամյանը շնորհակաություն հայտնեց պարոն Զարիֆյանին, որ բազմազբաղության պայմաններում ընդունել է համալսարանի առաջարկը, ժամանակ է տրամադրել, վարել է սեմինարը՝ կարևոր գիտելիքներ փոխանցելով մասնակիցներին և նրանց հաղորդակից դարձնելով միջազգային փորձին ու ոլորտի զարգացման արդի միտումներին:
Հիշեցնենք, որ եռօրյա սեմինարը անցկացվել է մայիսի 17-19-ը ՃՇՀԱՀ-ում: Այն նվիրված էր ջեռուցման և հովացման համակարգերի նորագույն տեխնիկային, ինչպես նաև ոլորտի ժամանակակից հաշվարկային ծրագրերի ուսուցմանը:
