ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

Ճարտարապետության և շինարարության Հայաստանի ազգային համալսարան էր ժամանել «Istituto Europeo di Design» (IED) մասնավոր դպրոցի ներկայացուցիչը:

 «IED» -ը հիմնադրվել է 1966 թվականին Ֆրանչեսկո Մորելլիի կողմից Իտալիայում: Հիսուն տարուց ավելի գործում է կրթության ու հետազոտությունների ոլորտում, լայն տարածում է գտել միջազգային հարթակներում, ունի իր ցանցերը` Իտալիայում, Իսպանիայում, Բրազիլիայում: 

 Դպրոցն իր ուսումնական գործընթացում ներառում է չորս առարկա` «Դիզայն», «Նորաձևություն», «Տեսողական հաղորդակցություն» և «Կառավարում»: Ներկայումս դպրոցը կազմակերպում է եռամյա կուրսեր,  (մագիստրատուրա, մասնագիտական շարունակական զարգացում)՝ շնորհելով առաջին աստիճանի ակադեմիական դիպլոմ ու բարձր որակավորում: 

Դպրոցի ներկայացուցիչը շրջայց կատարեց համալսարանում, հանդիպում ունեցավ ՃՇՀԱՀ դիզայնի ֆակուլտետի դեկան  Արտաշես Մելիքյանի հետ: Պարոն Մելիքյանը ներկայացրեց ֆակուլտետը, և քննարկվեցին հետագայում արդյունավետ համագործակցության ուղիներ: