(010) 303-300
Ամանորն ամենաջերմ, բարի, բոլորին համախմբող, սեր ու բարություն նվիրող տոնն է: Ճարտարապետության և շինարարության Հայաստանի ազգային համալսարանում որքան կարևոր է կրթության ճիշտ և արդյունավետ կազմակերպումը, այնքան էլ տոներին գեղեցիկ պատրաստվելն ու համալսարանականներին ուրախություն պարգևելը:
Համալսարանն այս օրերի ընթացքում զուգվեց, զարդարվեց, ներս հրավիրեց շքեղ տոնածառին ու ողողվեց լույսերով: Հա՛, չմոռացանք նաև մեր ծառաշատ այգու մասին: Միայն տեսնե՛ք, թե ինչպես են ժպտում թեև անտերև, բայց հպարտ, սլացիկ ու բազմերանգ լույսերով գրկված ծառերը:
Համեցե՜ք, հիացե՜ք, լուսանկարվե՜ք մեր հեքիաթային տոնածառի հետ և երազանք պահե՜ք: Մեզ մոտ են նախագծվում, կառուցվում ու ձևավորվում ամենանվիրական երազանքները:
