(010) 303-300
ՃՇՀԱՀ-ի ռեկտոր Մանուկ Բարսեղյանը և «ԳՐԻԻՆ ՌՈՔ» ՍՊԸ-ի տնօրեն Կատերինա Դանեկինան, կարևորելով գործընկերության և համագործակցության դերը ուսանողների կրթության, մասնագիտացման ոլորտում և գործարար մակարդակում դրանց կիրառման գործընթացներում, ստորագրեցին համագործակցության հուշագիր:
Հուշագրի շրջանակում կողմերը նախատեսում են կազմակերպել և անցկացնել բաց դասեր, սեմինարներ, մասնագիտական քննարկումներ՝ նպաստելով գիտելիքի և փորձի փոխանակմանը, մշակել և հրատարակել ուսումնամեթոդական նյութեր, իրականացնել միջազգային համագործակցային ծրագրեր՝ ոլորտի արդիական խնդիրների լուծմանը ուղղված, ինչպես նաև կազմակերպել միջոցառումներ, որոնք կնպաստեն կրթության և բիզնեսի կապի ամրապնդմանը և երիտասարդ մասնագետների շուկայում ինտեգրմանը։
Այս համագործակցությունը առանձնահատուկ կարևորում է ուսանողների գործնական դասերի իրականացումը, ինչը կօգնի նրանց գործնական հմտությունների ձևավորմանը և մասնագիտական աճին: Ինչպես նաև հուշագրի շրջանակներում նոր հնարավորություններ կբացվեն ուսանողների և մասնագետների համար՝ ապահովելով գիտելիքի կիրառական փոխանցում և տեխնոլոգիական նորարարությունների զարգացում։
