(010) 303-300
Կարևորելով գործընկերության ու համագործակցության դերը կրթական, ֆինանսատնտեսագիտական ոլորտներում՝ Ճարտարապետության և շինարարության Հայաստանի ազգային համալսարանի և «Հայաստանի ՓՄՁ հաշվապահների ասոցիացիա» հասարակական կազմակերպության միջև այսօր կնքվեց համագործակցության հուշագիր:
Հուշագրի շրջանակներում՝ համալսարանում համատեղ կմշակվեն «Հաշվապահական հաշվառում և հարկում» կրթական ծրագրի բարելավմանն ուղղված առաջարկություններ, կկազմակերպվեն և կանցկացվեն ուսումնական պրակտիկաներ կազմակերպությունում, համատեղ կհրատարակվեն ուսումնամեթոդական նյութեր:
Հուշագիրը ենթադրում է նաև կազմակերպության աջակցությունն ուսանողներին՝ նպաստների, կրթաթոշակների և այլ ձևերով, ինչպես նաև համալսարանի շրջանավարտներին աշխատանքի ընդունումը՝ ՀՀ օրենսդրությանը և իր ներքին կանոնակարգերին համապատասխան:
ՃՇՀԱՀ-ի ռեկտոր Գագիկ Գալստյանի և «Հայաստանի ՓՄՁ հաշվապահների ասոցիացիա»-յի նախագահ Վահագն Համբարձումյանի կողմից կնքված հուշագիրը կգործի անժամկետ:
