(010) 303-300
Այսօր Ճարտարապետության և շինարարության Հայաստանի ազգային համալսարան էին ժամանել Պորտուգալիայի Լիսաբոնի համալսարանի Ճարտարապետական ֆակուլտետի խորհրդի նախագահ Ֆրանցիսկո Օլիվեյրան և ֆակուլտետի դասախոսական խորհրդի նախագահ Մարգարիդա Լոուրոն:
Այցն, ինչպես աշխատանքային, այնպես էլ հեռանկարային և ճանաչողական էր: Լիսաբոնյան պատվիրակությանն ընդունեցին ռեկտոր Գագիկ Գալստյանը, պրոռեկտորներ Մարինա Ղազարյանը և Վարդգես Եդոյանը, Ճարտարապետության ֆակուլտետի դեկան Սարգիս Թովմասյանը, Ճարտարապետության ֆակուլտետի փոխդեկան Արմեն Շատվորյանը և Որակի ապահովման կենտրոնի ղեկավար Վարազդատ Հովհաննիսյանը:
Ռեկտոր Գալստյանը, ողջունելով հյուրերին, ծանոթացրեց մեր համալսարանի կրթական ծրագրերին, միջազգային կապերին և հույս հայտնեց, որ մեր համալսարան այցը խթան կհանդիսանա Լիսաբոնի համալսարանի հետ նույնպես համագործակցության համար:
Նշենք, որ Ֆրանցիսկո Օլիվեյրան և Մարգարիդա Լոուրոն մեր համալսարանում հանդես կգան դասախոսություններով:
