(010) 303-300
ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ
100-ամյա պատմություն ունեցող համալսարան
Վերջերս Իրանի Իսլամական Ազատ Համալսարանի Սպահանի մասնաճյուղի հրավերով, առցանց դասախոսությամբ հանդես եկավ Ճարտարապետության և շինարարության Հայաստանի ազգային համալսարանի Ճարտարապետական նախագծման և ճարտարապետական միջավայրի դիզայնի ամբիոնի դասախոս, ճարտարապետ Արմեն Մինասյանը՝ «Իրանական ժամանակակից ճարտարապետության փոխակերպումը և հայ ճարտարապետների առանցքային դերը» թեմայով:
Դասախոսության ընթացքում ճարտարապետ Մինասյանը ներկայացրեց հայկական Ճարտարապետության համաշխարհային նշանակությունը, ինչպես նաև Իրանի արդիականացման շրջանում իրանահայության հայության ազդեցիկ դերը՝ մասնավորեցնելով Ճարտարապետության բնագավառում նրանց ունեցած կենսական ազդեցությունը:
Պարոն Մինասյանը հիմնականում ներկայացրեց Ճարտարապետներ` Ալեքսանդր Թամանյանի (1921-23 թթ Թավրիզում եղած ժամանակ), Գաբրիել Գևրեկյանի, Վարդան Հովհաննիսյանի, Պոլ Աբգարի, Մարգար Գալստյանի, Ժանյա Աֆթանդիլյանի, Քերստափոր Թադվոսյանի, Ռոստոմ Ոսկանյանի և Նեկտար Փափազյան- Ադրեևի կատարած աշխատանքները:
Առցանց դասախոսությանը մասնակցեցին մեծ թվով իրանցի և հայ դասախոսներ, ուսանողներ:
