(010) 303-300
ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ
100-ամյա պատմություն ունեցող համալսարան
Ճարտարապետության և շինարարության Հայաստանի ազգային համալսարանի քաղաքային տնտեսության և էկոլոգիայի ֆակուլտետի «Զբոսաշրջություն» մասնագիտության 2-րդ կուրսի ուսանողներն իրենց դասախոսի՝ բանասիրական գիտությունների թեկնածու, դոցենտ Զարուհի Հայրյանի գլխավորությամբ «Զբոսաշրջության հիմունքներ» առարկայի գործնական պարապմունքն անցկացրին Կոտայքի մարզի Մեղրաձոր գյուղում:
Այցը բավականին բովանդակալից էր․ ուսանողները վերադարձան վառ տպավորություններով ու այդ գյուղի մասին հարուստ տեղեկություններով: Նրանք ծանոթացան մարզի գյուղական ու պատմամշակութային զբոսաշրջությանը, մասնակցեցին գաստրոնոմիկ տոնին, վարպետաց դասերին, այցելեցին Թեժառույք վանական համալիր: Շփվեցին գյուղի բնակիչների, երեխաների հետ, ուսումնասիրեցին Մեղրաձոր գյուղի բնական ու մշակութային ռեսուրսները: Այնուհետև ուսանողների կողմից մշակվեց նոր գաստրոնոմիկ ու գյուղական զբոսաշրջության տուրփաթեթ, որը չափազանց ոգևորիչ էր բնակիչների համար և արժանացավ բարձր գնահատանքի:
Անչափ կարևոր է նման միջոցառումներ կազմակերպել և’ ուսանողների, և’ համալսարանի, և’ մարզերի, և՛ գյուղերի համար: «Զբոսաշրջության հիմունքները» կարևոր առարկա է, որը հնարավորություն է ընձեռում ծանոթանալու ազգային մշակույթի առանձնահատկություններին:
