Ճարտարապետության և շինարարության Հայաստանի ազգային համալսարանում շարունակվում են Մ․Աբեղյանի անվան ավագ դպրոցի ընդունելության քննությունները։ Դիմորդները քննություն են հանձնում «Մաթեմատիկա» առարկայից՝ «Տեղեկատվական տեխնոլոգիաները շինարարական ոլորտում» և «Ճարտարապետություն» հոսքերի ընդունելության համար։
«Տեղեկատվական տեխնոլոգիաները շինարարական ոլորտում» հոսքի համար «Ֆիզիկա» առարկայի քննությունը տեղի կունենա հուլիսի 13-ին, իսկ «Ճարտարապետություն» հոսքի «Գծանկար» առարկայի քննությունը՝ հուլիսի 14-ին։
Քննության արդյունքները կհրապարակվեն ավագ դպրոցում քննության հաջորդ օրը՝ ժամը 12։00-ից հետո:
