(010) 303-300
2024թ. առաջին եռամսյակում Նորարարությունների, ձեռներեցության աջակցման և դրամաշնորհների բաժնի կողմից իրականացվել են համալսարանի աշխատակիցների համակարգչային գիտելիքների բարելավմանն ուղղված վերապատրաստման դասընթացներ:
«MS Excel ծրագրակազմի կիրառումը համալսարանում» դասընթացը նպատակ ուներ զարգացնել վարչական կազմի կարողությունները: Դասընթացի շրջանակում մասնակիցներն իրականացրել են աշխատանքային գործառույթներին առնչվող տարբեր գործնական առաջադրանքներ։
«MS Word և МS PowerPoint ծրագրակազմերի կիրառումը համալսարանում» դասընթացի նպատակն էր Լեզուների ամբիոնի պրոֆեսորադասախոսական կազմին փոխանցել հմտություններ՝ պատկերավոր ներկայացնելու առարկային առնչվող նյութերը՝ այդպիսով լեզվի ուսուցումը առավել հետաքրքիր դարձնելու և ուսանողին հնարավորինս մատչելի մատուցելու համար:
Ձեռք բերված գիտելիքները կնպաստեն մասնակիցների հետագա գործունեության արդյունավետության բարձրացմանը:
