Ճարտարապետության ԵՎ Շինարարության
Հայաստանի ազգային համալսարան

Եվրոպական հավատարմագրում ունեցող համալսարան

Ճարտարապետության ԵՎ Շինարարության
Հայաստանի ազգային համալսարան

Եվրոպական հավատարմագրում ունեցող համալսարան

Ուսումնական այցեր՝ ապագա ճարտարապետների համար

Նախորդ շաբաթները բեղմնավոր, ճանաչողական և ուսուցողական էին Ճարտարապետության և շինարարության Հայաստանի ազգային համալսարանի Ճարտարապետության ֆակուլտետի ուսանողների համար:

Ճարտարապետության տեսության, պատմաճարտարապետական ժառանգության վերականգնման, վերակառուցման, գեղեցիկ արվեստի և պատմության ամբիոնի դասախոս Արմեն Մինասյանի նախաձեռնությամբ և ղեկավարմամբ՝ ապագա ճարտարապետները, փետրվարի 2-ին և 9-ին ուսումնական այցեր կատարեցին տարբեր շինարարական, վերանորոգման, գեղարվեստական ձևավորման աշխատանքներ իրականացնող կազմակերպություններ:

Ուսումնական 2 այցերի ընթացքում ուսանողները հասցրեցին լինել փայտե դռներ և կահույք արտադրող խոշոր ընկերությունում, ծանոթացան փայտի վերամշակման, միջսենյակային դռների և կահույքի ստեղծման մանրուքներին ու գաղտնիքներին:

Մեկ այլ ընկերությունում նրանց ծանոթացրեցին պլաստմասե և ալյումինե պրոֆիլներից, ինչպես նաև ապակուց պատրաստված ճակատների, տանիքների ապակե հատվածների, դռների և պատուհանների պատրաստման ու տեղադրման աշխատանքներին:

Ուսանողների վերջին կանգառը հյուրանոցային համալիր էր: Համալիրի նախագծի գլխավոր ճարտարապետ Արմեն Մինասյանը ուսանողներին ուղեկցեց շինհրապարակ, որտեղ, ՙտանտիրոջ իրավունքով՚, պատմեց նախագծի ստեղծման պատմության, ճարտարապետական լուծումների և համալիրի գլխավոր առաձնահատկության՝ սեյսմիկ բարձր խոցելիություն ունեցող շենքի շերտավոր ռետինամետաղական հենարանների միջոցով սեյսմամեկուսացման համակարգի, տարբեր արդիական նյութերի և դրանց կիրառման մասին:

Ուսանողների խոսքերով՝ այցերն անչափ տպավորիչ էին, ուսուցողական և տեսականորեն սերտած գիտելիքները գործնականում տեսնելու, դրանց կիրառման եղականերին ծանոթանալու հնարավորություն:

606  Ընդամենը Դիտված, 2 Դիտվել է այսօր

13.02.17

607  Ընդամենը Դիտված, 3 Դիտվել է այսօր