Ճարտարապետության ԵՎ Շինարարության
Հայաստանի ազգային համալսարան

Եվրոպական հավատարմագրում ունեցող համալսարան

Ճարտարապետության ԵՎ Շինարարության
Հայաստանի ազգային համալսարան

Եվրոպական հավատարմագրում ունեցող համալսարան

Զրույց՝ էթիկայի մասին

Մարդու արտաքին տեսքը պակաս կարևոր չէ, քան գիտելիքներն ու ներքին առավելությունները: Հոգեբաններն ու էթիկայի մասնագետները պնդում են, որ նույնիսկ բարեհաջող կարիերա և բարձր վարձատրվող աշխատանք ունենալու գրավականներից է գրագետ հագնվելու ունակությունը:

Այս գիտակցությամբ է «Տեր և Տիկին» էթիկայի կենտրոնն ուսանողներին նախապատրաստում՝ ապագայում խնամված ու պատշաճ արտաքինով ներկայանալու համար:

Երեկ էթիկայի գաղտնիքներին ծանոթացան նաև Ճարտարապետության և շինարարության Հայաստանի ազգային համալսարանի ուսանողները: Կարիերայի կենտրոնի, Ուսանողական խորհրդի նախաձեռնությամբ և «Տեր և Տիկին» էթիկայի կենտրոնի հետ ձեռք բերված պայմանավորվածության շրջանակներում՝ մարտի 15-ին մեր ուսանողների համար դասընթաց անցկացրեց «Տեր և Տիկին» էթիկայի կենտրոնի հիմնադիր-տնօրեն, էթիկայի մասնագետ և բիզնես դասընթացավար Մարգարիտ Խաչատրյանը:

Դասընթացը նվիրված էր հագուստի էթիկետին, հագուստի կոդեքսում էթիկետի կանոններին և, առհասարակ, էթիկայի ընդհանուր դրույթներին: Ուսանողներն ակտիվ մասնակցեցին քննարկմանը, բարձրացրեցին իրենց հետաքրքրող հարցերը:

Սա նմանատիպ դասընթացների մեկնարկն էր: Կազմակերպիչները վստահեցրին, որ մեր համալսարանում էթիկայի շուրջ զրույցները կլինեն շարունակական:

1,047  Ընդամենը Դիտված, 2 Դիտվել է այսօր

16.03.17

1,048  Ընդամենը Դիտված, 3 Դիտվել է այսօր