ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

Ճարտարապետության և շինարարության Հայաստանի ազգային համալսարանը հայտարարում է 2025թ. «Տարվա լավագույն գիտական հետազոտություն» անվանակարգով մրցույթ.

Մրցույթին կարող են մասնակցել Հայաստանի Հանրապետության քաղաքացի և   համալսարանի հիմնական աշխատող դասախոսները, գիտաշխատողները, ասպիրանտները, հայցորդները և դոկտորանտները:

Մրցույթն անցկացվում է ներքոհիշյալ ոլորտներին վերաբերող՝ 2025թ.   հրապարակված հետազոտությունների համար. 

• տեխնիկական գիտությունների ոլորտ (շինարարություն և հարակից ոլորտներ).
• ճարտարապետության ոլորտ.
• դիզայնի ոլորտ.
• տնտեսագիտության (շինարարությունում) ոլորտ.
• կառավարման (ճարտարապետության, շինարարության, դիզայնի, զբոսաշրջության) ոլորտ:

Մրցույթին մասնակցելու համար  անհրաժեշտ է մինչև 2026թ. հունվարի 31-ը գիտության վարչություն ներկայացնել հետևյալ փաստաթղթերը.

• հայտը (սահմանված ձևաչափով),
• հետազոտության նկարագիրը՝ ստորագրված հայտատուի կողմից, հետևյալ պարտադիր մասերով.
• հետազոտության թեմայի հիմնավորումը և արդիականությունը,
• իրականացման գիտական մեթոդները,
• գիտական նորույթը,
• ստացված արդյունքները և կիրառական նշանակությունը,
• հրապարակված հետազոտությունը՝ թղթային և էլեկտրոնային տարբերակներով՝ նշելով պարբերականը և դրա հերթական համարը,
• համապատասխան ամբիոնի եզրակացությունը՝ թեմայի արդիականության, գիտական նորույթի և կիրառական նշանակության վերաբերյալ,
• անձնագրի պատճեն,
• համահեղինակությամբ իրականացված հետազոտության պարագայում՝ յուրաքանչյուր հեղինակի ներդրումը հետազոտությունում (տոկոսային հարաբերությամբ):

Մրցույթում հաղթած յուրաքանչյուր հետազոտության համար սահմանված է 400 հազար դրամ պարգևավճար:

Ներկայացված հայտերը կքննարկվեն ՃՇՀԱՀ գիտատեխնիկական խորհրդում և արդյունքները կհրապարակվեն համալսարանի կայքում մինչև փետրվարի 25-ը:

Մրցույթի կազմակերպումը և արդյունքների ամփոփումն իրականացվում է «Տարվա լավագույն գիտական հետազոտություն» անվանակարգով մրցանակների տրամադրման կարգին» համապատասխան: