ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

Սիրելի՛ ուսանողներ, տեղեկացնում ենք, որ ՃՇՀԱՀ-ը Էրազմուս+ LISS24 նախագծի շրջանակում հրավիրում է ձեզ մասնակցելու ինտերակտիվ և դինամիկ դասընթացների շարքին՝ «Նորարարական բիզնես գաղափարների գեներացում» թեմայով։

Դասընթացների ընթացքում մասնակիցները՝

• կաշխատեն թիմերով,
• կստեղծեն սեփական բիզնես գաղափարներ,
• կսովորեն, թե ինչպես գաղափարը դարձնել աշխատող մոդել,
• կմասնակցեն մրցութային փուլերի, որտեղ կընտրվի ամենահետաքրքիր նախագիծը։

Լավագույն գաղափարների հեղինակների համար կդիտարկվի դրանք մայիսին Վրաստանում կայանալիք միջազգային մրցույթում ներկայացնելու հնարավորությունը։

Դասընթացները կմեկնարկեն փետրվարի 25-ին, 0 հարկի նիստրի դահլիճում (2023)։ Մասնակցությունն անվճար է՝ նախատեսված համալսարանի բոլոր ֆակուլտետների ուսանողների համար, տևողությունը՝ 3 շաբաթ (շաբաթը 3 օր):

Դասընթացները կվարեն ինչպես համալսարանի, այնպես էլ գործընկեր կազմակերպություններից հրավիրված փորձառու մասնագետները։

Դասընթացների ավարտին  կկարողանաք՝

• ձևակերպել և հիմնավորել ինովացիոն գաղափարի արժեքավոր առաջարկը (value proposition),
• մշակել բիզնես մոդելի նախնական տարբերակ (business model canvas),
• ձևավորել շուկայի համար գրավիչ լուծման կոնցեպտ,
• գնահատել գաղափարի կիրառելիությունն ու զարգացման ներուժը,
• պատրաստել և ներկայացնել ձեր գաղափարը (pitch) մրցութային ձևաչափով։

Մասնակցելու համար անհրաժեշտ է մինչև փետրվարի 23-ը գրանցվել այս հղումով։