ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

Ճարտարապետության և շինարարության Հայաստանի ազգային համալսարանը Էրազմուս+KA171 դրամաշնորհային ծրագրի շրջանակում հայտարարում է մրցույթ՝ Իտալիայի Կիետի-Պեսկարա համալսարանում (University “G. d’Annunzio” Chieti-Pescara) 2024-2025 ուստարվա երկրորդ կիսամյակում ուսումնառելու մասին: Ծրագրին կարող են մասնակցել «Ճարտարապետական ժառանգության վերականգնում», «Շինարարական ճարտարագիտություն», «Գեոմատիկա» կրթական ծրագրերով, անգլերենին լավ տիրապետող բակալավրիատի 3-րդ, մագիտրատուրայի 1-ին կուրսերի ուսանողներ:  Կրթական ծրագրերին և մոդուլներին ծանոթանալու համար կարող եք անցնել այս հղումով` — https://idclm24.unich.it/piano-di-studio?&gruppo=18394

Մասնակցության համար անհրաժեշտ է ներկայացնել հետևյալ փաստաթղթերը՝

• Ինքնակենսագրություն (EUROPASS ձևաչափով),
• առաջադիմության մասին տեղեկանք (ՄՈԳ),
• առկայության դեպքում` անգլերենի տիրապետման հավաստագիր/տեղեկանք (TOEFL կամ IELTS),
• Համապատասխան ֆակուլտետի դեկանի և մեկնողի կողմից ստորագրված հիմնավորման նամակ (Motivation Letter)` անգլերենով և հայերենով:           

Մասնակցի ընտրության հիմնական չափանիշներն են՝ բարձր առաջադիմությունը, անգլերենի իմացությունը, հիմնավորման նամակը (Motivation Letter):

Փաստաթղթերն անհրաժեշտ է ներկայացնել համապատասխան ֆակուլտետների դեկանատներ: Ներկայացման վերջնաժամկետն է նոյեմբերի 4-ը, մինչև ժամը 12:00-ն:

Մրցույթը կկայանա նոյեմբերի 5-ին, ժամը՝ 14:30-ին, 2023 լսարանում: