(010) 303-300
Հարգելի՛ համալսարանականներ, տեղեկացնում ենք, որ Բարձրագույն կրթության և գիտության կոմիտեն կազմակերպում է գիտական ստորաբաժանումների նյութատեխնիկական բազայի արդիականացման համար ֆինանսական աջակցություն տրամադրելու հայտերի ընտրության մրցույթ։
Մրցույթը կազմակերպվում է ՀՀ ԿԳՄՍ նախարարի 2023 թվականի հոկտեմբերի 3-ի N 2045-Ա/2 հրամանով հաստատված «Գիտական ստորաբաժանումների նյութատեխնիկական բազայի արդիականացման համար ֆինանսական աջակցություն տրամադրելու մրցույթի կարգի» համաձայն։
Հայտ կարող են ներկայացնել ՀՀ պետական բյուջեից գիտական և գիտատեխնիկական գործունեության բազային ֆինանսավորման ծրագիր իրականացնող գիտական պետական կազմակերպությունները և բարձրագույն ուսումնական հաստատությունները Կոմիտեի orgs.hesc.am համակարգով։
Կազմակերպության միևնույն գիտական ստորաբաժանման վերազինման նպատակով կարող է ներկայացվել մրցույթի մասնակցության միայն մեկ հայտ՝ մինչև 20 միլիոն դրամ արժեքով:
Կազմակերպությունից ներկայացվող մեկից ավելի հայտերի դեպքում ներկայացվում է hայտերի վարկանիշային ցանկ՝ ըստ Կազմակերպության (բուհերի դեպքում՝ ըստ յուրաքանչյուր բազային ծրագրի) առաջնահերթությունների։
Հայտերի առցանց ներկայացման վերջնաժամկետը 2025 թվականի սեպտեմբերի 5-ն է:
Կազմակերպության ներկայացուցիչը մինչև 2025թ․ սեպտեմբերի 12-ը ներառյալ մեկ ընդհանուր փաթեթով և Կազմակերպության ղեկավարի պաշտոնական գրությամբ Կոմիտե է ներկայացնում Կազմակերպության կողմից առցանց ուղարկված բոլոր հայտերի ստորագրված և կնքված տիտղոսաթերթերը` առձեռն (ք. Երևան, Օրբելի եղբայրների 22, 7-րդ հարկ, 708 սենյակ):
