(010) 303-300
Սիրելի՛ համալսարանականներ, սիրով տեղեկացնում ենք, որ Ռումինիայի կառավարության ֆինանսավորմամբ, Ռումինիայի արտաքին գործերի նախարարության միջոցով և Ֆրանկոֆոնիայի համալսարանական գործակալության համակարգմամբ «Էժեն Իոնեսկու» ծրագիրը ամբողջ աշխարհի դոկտորանտներին և դասախոս-հետազոտողներին հնարավորություն է տալիս օգտվել եռամսյա հետազոտական շարժունությունից՝ ծրագրի հետ համագործակցող Ռումինիայի բարձրագույն ուսումնական հաստատություններից որևէ մեկում:
«Էժեն Իոնեսկու» շարժունությունները ֆրանկոֆոն դասախոսներին և/կամ հետազոտողներին հնարավորություն են տալիս մեկնել իրենց երկրից, կատարելագործվել Ռումինիայում, Ֆրանկոֆոնիայի համալսարանական գործակալության անդամ համալսարաններում։
Այս շարժունությունները նպատակ ունեն խթանել այն գիտական ոլորտները, որոնք համարվում են առաջնային՝ երկրի զարգացման համար և համահունչ են հյուրընկալող հաստատությունների հետազոտական հետաքրքրությունների հետ։
Ծրագրի թիրախային լսարանն են կազմում դոկտորանտները և դասախոս–հետազոտողները՝ Ֆրանկոֆոնիայի միջազգային կազմակերպության (OIF) անդամ և դիտորդ երկրներից (Ֆրանկոֆոնիայի համալսարանական գործակալության անդամ բարձրագույն ուսումնական հաստատություններ) և Ալժիրից:
Դիմումների ներկայացման վերջնաժամկետն է 2025 թվականի հունվարի 20-ը, ժամը՝ 23:59-ը (Բուխարեստի ժամանակով, GMT+2):
Մանրամասների համար անցեք հղումով:
