ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

Ճարտարապետության և շինարարության Հայաստանի ազգային համալսարանի գիտության վարչությունը և ուսանողական խորհուրդը  նախաձեռնել են նոյեմբեր ամսվա  վերջին տասնօրյակում  կազմակերպել ուսանողների միջազգային օրվան նվիրված համալսարանական գիտաժողով՝ «Մասնագիտական ոլորտների արդի մարտահրավերներն ու երիտասարդական գիտական ներուժը» խորագրով։ Գիտաժողովին կարող են մասնակցել ՃՇՀԱՀ բակալավրիատի և մագիստրատուրայի ուսանողները։

Գիտաժողովի նյութերը պետք է ներկայացվեն ինչպես գիտական հոդվածների, այնպես էլ թեզիսների (առավելագույնը 2 էջի սահմաններում) և ցուցադրական նյութերի (Power Point ձևաչափ, մինչև 15 պատկեր) տեսքով, հետևյալ ոլորտային ուղղություններով.

• Ճարտարապետություն,
• Տեխնիկական գիտություններ (շինարարություն և հարակից ոլորտներ),
• Դիզայն (արվեստագիտություն),
• Տնտեսագիտություն (շինարարության ոլորտում),
• Կառավարում (ճարտարապետության, շինարարության, դիզայնի և զբոսաշրջության ոլորտներում),
• Մոդելավորումը և տեղեկատվական տեխնոլոգիաները` ճարտարապետությունում ու շինարարությունում:

Գիտաժողովի  նյութերը կհրատարակվեն առանձին ժողովածուի տեսքով։ Լավագույն հոդվածները  կտպագրվեն համալսարանի գիտական պարբերականներում։

Գիտաժողովի թեզիսները և զեկույցները՝ էլեկտրոնային տեսքով, մինչև նոյեմբերի 1-ը  անհրաժեշտ է ներկայացնել ՃՇՀԱՀ գիտության վարչություն   կամ ուղարկել scientificpolicy@nuaca.am  հասցեով:

Բոլոր զեկույցները պետք է պարունակեն հետևյալ պարտադիր տեղեկատվությունը՝

• Հեղինակի (հեղինակների) ազգանունը, անունը, հայրանունը, հեռախոսահամարը և էլեկտրոնային հասցեն,
• Ֆակուլտետը, մասնագիտությունը, կուրսը,
• Հոդվածի գիտական ոլորտը,
• Օգտագործված գրականության ցանկը:

Հարցերի կամ լրացուցիչ տեղեկատվության համար կարող եք զանգահարել 010-54-74-12, 010- 58- 05- 41 կամ 077-28-04-93 հեռախոսահամարներով:

Թեզիսներին ներկայացվող պահանջներին կարելի է ծանոթանալ այստեղ: