Սիրելի՛ դիմորդներ,
Ճարտարապետության և շինարարության Հայաստանի ազգային համալսարանը ձեզ համար կազմակերպում է Բաց դռների օրեր, որոնք կդառնան ձեր առաջին քայլը դեպի համալսարանական կյանք։
Հանդիպումների ընթացքում դուք հնարավորություն կունենաք ծանոթանալու համալսարանի կյանքին, մասնագիտություններին, լաբորատորիաներին, արվեստանոցներին, ուսանողական առօրյային և ընդունելության գործընթացին։ Դուք կստանաք ոչ միայն ձեզ հետաքրքրող բոլոր հարցերի պատասխանները, այլև անհրաժեշտ տեղեկություններ մեր համալսարանի մասին ։
Բացի այդ կարող եք մասնակցել «Դարձի՛ր մասնագետ» պանելային քննարկմանը, որտեղ համալսարանի շրջանավարտներն ու ուսանողները կներկայացնեն իրենց փորձը, կկիսվեն հաջողության պատմություններով և խորհուրդներով՝ օգնելով ձեզ վստահ ընտրություն կատարել։
Սիրելի՛ դիմորդ, քո ապագան սկսվում է այստեղ։ Ընտրիր մասնագիտություն, որը քեզ կտրամադրի կայուն հիմքեր, նորարարական մտածողություն և միջազգային չափանիշներին համապատասխան կրթություն։
Մասնակցելու համար պարզապես այցելեք
https://dimord.nuaca.am/ կայք, գրանցվեք համապատասխան պատուհանում և նշեք Ձեր նախընտրելի մասնագիտությունը։
Բաց դռների օրերը տեղի կունենան ապրիլի 7-14-ը: Սիրով սպասում ենք բոլորիդ:
