Սիրելի՛ դասախոսներ, երիտասարդ հետազոտողներ և ուսանողներ, սիրով տեղեկացնում ենք, որ Ճարտարապետության և շինարարության Հայաստանի ազգային համալսարանը 2025 թվականի հոկտեմբերի վերջին տասնօրյակում կիրականացնի միջազգային գիտաժողով՝ «Քաղաքացիական և շրջակա միջավայրի ճարտարագիտություն. Երևան 2025» (International Conference on Civil and Environmental Engineering. Yerevan 2025) խորագրով։
Գիտաժողովի հիմնական թեմատիկ ուղղություններն են՝
- Շենքերի և շինությունների նախագծում, կառուցում, շահագործում և կառավարում (Design, Construction, Operation and Management of Buildings and Structures)
- Նորարար և կայուն շինանյութեր և տեխնոլոգիաներ (Innovative and Sustainable Building Materials and Technologies)
- Ինժեներատրանսպորտային ենթակառուցվածքներ (Engineering and Transport Infrastructure)
- Էներգաարդյունավետություն և վերականգնվող էներգիա շինարարության մեջ (Energy Efficiency and Renewable Energy in Construction)
- Քաղաքային կայուն միջավայր (Urban Sustainable Environment)
- Գեոդեզիա, գեոդինամիկա և քարտեզագրություն (Geodesy, Geodynamics and Cartography)
- Կադաստր և աշխարհագրական տեղեկատվական համակարգեր (GIS) (Cadastre and Geographic Information Systems (GIS))
Գիտաժողովի աշխատանքային լեզուն անգլերենն է:
Գիտաժողովի առանձնահատկությունները՝
- Խրախուսվելու են համահեղինակությամբ ներկայացված հետազոտությունները։
- Գիտաժողովի նյութերը նախատեսվում է հրապարակել միջազգային վարկանիշավորված պարբերականներում, որոնց հետ բանակցությունները շարունակվում են, և արդեն առկա են նախնական պայմանավորվածություններ։
- ՃՇՀԱՀ աշխատակիցների համար գիտաժողովին մասնակցությունն անվճար է, (հրապարակման հետ կապված ֆինանսական պայմանները կհստակեցվեն ավելի ուշ)։
Մասնակցության համար անհրաժեշտ է այցելել գիտաժողովի պաշտոնական կայք և լրացնել հայտը: Գրանցման և համառոտագրերի ներկայացման մեկնարկը ապրիլի 21-ն է, վերջնաժամկետը՝ մայիսի 26-ը:
Ակնկալվում է ՃՇՀԱՀ-ի պրոֆեսորադասախոսական կազմի, գիտաշխատողների և երիտասարդ հետազոտողների ակտիվ մասնակցությունը այս գիտաժողովին:
Միևնույն ժամանակ, շարունակվում են համակազմակերպիչ և գործընկեր ԲՈՒՀ-երի հետ համագործակցության ձևավորման գործընթացը, ինչպես նաև գիտական կոմիտեի կազմի վերջնական ճշգրտման աշխատանքները։
Գիտաժողովի պաշտոնական կայքի հղումը կից:
https://iccee.nuaca.am/
