ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

ՃՇՀԱՀ ՄՄԿ քոլեջը հայտարարում է 2025-2026 ուսումնական տարվա ընդունելություն՝ ոլորտային մասնագիտությունների գծով դիմորդի դիմում հայտը և փաստաթղթերը ներկայացվելու են էլեկտրոնային տարբերակով՝ dimord․emis.am կայքի միջոցով մինչև սույն թվականի օգոստոսի 8-ը ժամը 18:00 ներառյալ, ոչ ոլորտային մասնագիտություններով՝ մինչև սույն թվականի օգոստոսի 17-ը ժամը 18:00 ներառյալ։ «Հագուստի մոդելավորում և նախագծում» և «Դիզայն» մասնագիտությունների դիմորդները կհանձնեն քննություններ հետևյալ առարկաներից համապատասխանաբար՝ «Գծանկար» և «Գծանկար», «Գունանկար», «Կոմպոզիցիա», որոնք կազմակերպվելու են ՃՇՀԱՀ ՄՄԿ քոլեջում (հասցեն՝ ք. Երևան, Նոր Նորքի 5-րդ զանգված, Մառի 17/1) սույն թվականի օգոստոսի 9-ից մինչև 17-ը։

Դիմորդը էլեկտրոնային եղանակով՝ dimord.emis.am կայքի միջոցով, լրացնում է դիմում հայտը, որն իր մեջ ներառում է անձնական տվյալները`անուն ազգանուն, հայրանուն, ծննդյան օր, ամիս, տարեթիվ, Էլեկտրոնային հասցե, հեռախոսահամար, ինչպես նաև Հանրային ծառայության համարանիշը կամ օրենքով սահմանված կարգով դրանից հրաժարվելու մասին տեղեկանքի համարը և կից ներբեռնում է նաև`

1)  լուսանկար 3X4 չափի,

2) կրթության մասին փաստաթղթի (դիպլոմի դեպքում նաև ներդիրի) պատճենը,

3) անձը հաստատող փաստաթղթի պատճենը (անձնագիր, կամ ծննդյան վկայական՝ մինչև 16 տարեկան դիմորդի համար, կամ զինվորական գրքույկ, կամ Հայաստանի Հանրապետության ոստիկանության բաժինների կողմից տրվող անձը հաստատող ժամանակավոր փաստաթուղթ, կացության վկայական, փախստականի վկայական),

4) կցագրման վկայականի պատճենը (զորակոչային տարիք ունեցող դիմորդից ընդունվում են զինհաշվառման փաստաթղթերում տարկետման իրավունք տվող համապատասխան նշումի կամ չզորակոչվելու պատճառը հաստատող այլ նշումների առկայության դեպքում, իսկ նախկինում առողջության պատճառով տարկետում ունեցողներից՝ Հանրապետական զորակոչային հանձնաժողովի նշումների առկայության դեպքում),

5) Դիմորդի՝ արտոնյալ կարգով ընդունվելու դեպքում՝ ընդունելության արտոնության իրավունքը հաստատող փաստաթղթի պատճենը (առկայության դեպքում), որը Հաստատության տնօրենը (ռեկտորը) ուսանողներին հրամանագրելուց հետո՝ 2-օրյա ժամկետում ներկայացնում է Լիազորված մարմնին,

6) իր ընտրած մասնագիտության համար պահանջվածից ավելի բարձր կրթության ավարտական փաստաթղթի պատճենը (առկայության դեպքում), ինչպես նաև այդ մասնագիտությանը համապատասխան` վարպետային ուսուցման որակավորման կամ կարճաժամկետ դասընթացի վկայականի պատճենը (առկայության դեպքում),

7) միջազգային և հանրապետական մրցույթների (օլիմպիադաների, փառատոների) դիպլոմների պատճեները (առկայության դեպքում),

8) պետական բարձրագույն ուսումնական հաստատություն ընդունվելու համար տվյալ տարվա, ինչպես նաև նախորդ տարվա հանձնած ընդունելության քննությունների գնահատականների վերաբերյալ փաստաթուղթի պատճենը(առկայության դեպքում),

9) աշխատանքի վայրից տեղեկանքի պատճենը (առկայության դեպքում),

10) Դիմում հայտ ներկայացրած ուսումնական հաստատության հաշվեհամարին փոխանցած գումարի անդորրագրի պատճենը:

Դիմորդը կարող է դիմել մեկ ուսումնական հաստատություն մեկ մասնագիտության հայտագրմամբ՝ անվճար և վճարովի ուսուցման հիմունքով:

ՃՇՀԱՀ ՄՄԿ քոլեջում 2025-2026 ուսումնական տարվա ընդունելությունը կիրականացվի հետևյալ մասնագիտություններով․