ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

ՀՀ դպրոցների 9-րդ դասարանն ավարտած բոլոր այն աշակերտները, որոնք ցանկանում են 2026-2027թթ. ուսումնական տարում իրենց կրթությունը շարունակել Ճարտարապետության և շինարարության Հայաստանի ազգային համալսարանի ավագ դպրոցի 10-րդ դասարաններում, պետք է հունիսի 9-ից ժամը 11:00-ից մինչև հուլիսի 6-ը ժամը 11:00-ն առցանց տարբերակով ներկայացնեն դիմում-հայտ: 

Դիմում-հայտում նշված էլեկտրոնային փոստի հասցեին ինքնաշխատ կտրամադրվի դիմորդի անցաթուղթը՝ գիտելիքների ստուգման ժամանակացույցի (օր, ժամ) վերաբերյալ տեղեկատվությամբ։ Գիտելիքների ստուգման օրը անցաթղթի առկայությունը պարտադիր է (թղթային կամ էլեկտրոնային տարբերակով):

Գիտելիքների ստուգման օրը աշակերտները պետք է ներկայանան սահմանված ժամից 30 րոպե շուտ:

Դիմորդների գիտելիքների ստուգումն իրականացվելու է ս/թ հուլիսի 13-17-ն ընկած ժամանակահատվածում հետևյալ ժամանակացույցով․ 

*- «Գծանկար» առարկայի դեպքում դիմորդներից մեկը վիճակահանության սկզբունքով ընտրում է երեք երկրաչափական պատկերներ, որոնք  հանձնաժողովի անդամների կողմից տեղադրվում են համապատասխան վայրում, դրանից հետո աշակերտները սկսում են նկարել այդ պատկերները: Ժամանակի ավարտից հետո դիմորդները կնքված թղթի վրա կատարած աշխատանքը (նկարը) տալիս են հանձնաժողովի անդամներին:

«Արարատբանկ» ԲԲԸ-ում սպասարկվող «Ճարտարապետության և շինարարության Հայաստանի ազգային համալսարան» հիմնադրամի 1510001964940200 դրամային հաշվեհամարին անհրաժեշտ է կատարել փոխանցում` 3000 ՀՀ դրամ` «նպատակ» դաշտում նշելով հետևյալ տեղեկությունը` ՃՇՀԱՀ ավագ դպրոցի ընդունելության վճար, գիտելիքի ստուգման մասնակցի ազգանունը, անունը, հայրանունը (օրինակ` ՃՇՀԱՀ ավագ դպրոցի ընդունելության վճար, Պետրոսյան Պետրոս Պետրոսի):

Մաթեմատիկա և ֆիզիկա առարկաների գիտելիքի ստուգմանն անհրաժեշտ է ներկայանալ պարզագույն հաշվիչներով, իսկ գծանկարի գիտելիքի ստուգմանը՝ մատիտներով և ռետիններով։

Դիմորդների մուտքը հեռախոսով արգելվում է:

Դիմորդը կարող է դիմել միայն մեկ հոսքի ընդունելության համար:

Ավագ դպրոցում «Գծանկարչություն» առարկայից անցկացվող օլիմպիադայի 1-ին կարգի դիպլոմ ստացած 9-րդ դասարանի տարիքային խմբի մասնակից(ներ)ը Ավագ դպրոցի ընդունելությանը մասնակցելու դեպքում ազատվում են «Գծանկար» առարկայի գիտելիքի ստուգումից։

Բոլոր առարկաներից գիտելիքի ստուգման գնահատականները և մրցույթի արդյունքները կհրապարակվեն հուլիսի 20-ին`ժամը 11:00-ին դպրոցում և ֆեյսբուէյան էջում:

Հրապարակված արդյունքները կարող են բողոքարկվել դրանց հրապարակման պահից 24 ժամվա ընթացքում՝

• էլեկտրոնային եղանակով՝ լրացնելով կցված դիմումը և ուղարկելով այն schooladmission@nuaca.am էլեկտրոնային հասցեին,
• թղթային տարբերակով՝ գրավոր դիմումը ներկայացնելով ՃՇՀԱՀ ավագ դպրոց։

Բողոքարկումը կիրականացվի դպրոցում, հուլիսի 22-ին`ժամը 11:00-ից սկսած։

Մրցութային հավասար միավորներ ունենալու դեպքում ըստ սահմանված հերթականության առավելությունը տրվում է`

• դպրոցականների հանրապետական առարկայական օլիմպիադաների 1-3-րդ կարգի դիպլոմ ստացած դիմորդին՝ ըստ առաջնային հաջորդականության,
• 9-րդ դասարանի գերազանցության վկայականով ավարտած դիմորդին,
• 9-րդ դասարանի ավարտական քննությունների առարկաների` ըստ առաջնային հաջորդականության քննություններից առավել բարձր միավոր ստացած դիմորդին:

Ընդունելության վերջնական արդյունքների հրապարակումից հետո ծնողը կամ օրինական ներկայացուցիչը պարտավորվում է ներկայացնել հետևյալ փաստաթղթերը․

1. Դիմում (գրվում է դպրոցում),
2. Լուսանկար` 3×4 չափի (2 հատ),
3. Դիմորդի անձը հաստատող փաստաթուղթ (ծննդյան վկայական) և պատճենը,
4. Աշակերտի սոցիալական քարտի պատճենը,
5. Օրինական ներկայացուցչի անձնագրի պատճենը,
6. Քաղվածք երեխայի  ամբուլատոր բժշկական քարտից,
7. 9-րդ դասարանի ավարտական վկայական` ատեստատ (բնօրինակ):

Սիրելի՛ դիմորդներ, Ճարտարապետության և շինարարության Հայաստանի ազգային համալսարանի ավագ դպրոցը սիրով սպասում է ձեզ:

Հարցերի դեպքում կարող եք դիմել ՃՇՀԱՀ ավագ դպրոց (Հեռ.` 010-52-64-81, հասցե` Խանջյան 9):