(010) 303-300
ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ
100-ամյա պատմություն ունեցող համալսարան
ՄԱՄՈՒԼԻ ՀԱՂՈՐԴԱԳՐՈՒԹՅՈՒՆ
ՏԵՂԵԿԱՏՎՈՒԹՅԱՆ ԵՎ ՄԱՍՆԱԿՑՈՒԹՅԱՆ ՀԱՄԱՐ
էրազմուս+ ծրագրի ազգային գրասենյակ
Լանա Կառլովա, համակարգող
neo@erasmusplus.am
010 58 09 63, 091 21 62 58
ԱՄՍԱԹԻՎ
07.05.2019թ․
Ավստրիայի համալսարանական պատվիրակության առաջին այցը Երևան
Հայ-ավստրիական կոնտակտային սեմինար
Ավտրիական Էրազմուս+ ազգային գործակալությունը (OeAD-GmbH) Հայաստանում, Վրաստանում և Ադրբեջանում Էրազմուս+ ազգային գրասենյակների աջակցությամբ կազմակերպում է մեկ շաբաթյա գործընկերային այց դեպի Հարավային Կովկասի երեք հանրապետություններ։ Տարածաշրջան այցելելու հիմնական նպատակն է Էրազմուս+ դրամաշնորհների օգնությամբ ամրացնել ընթացիկ համագործակցություններն ու նոր կապեր հաստատել ավտրիական և հարավկովկասյան համալսարանների միջև։
Հայաստանյան այցը տեղի կունենա մայիսի 16-17-ին մայրաքաղաք Երևանում։ Երկօրյա սեմինարի շրջանակներում մայիսի 16-ի հանդիպումը կկայանա Երևանի Վ․ Բրյուսովի անվան պետական լեզվահասարակագիտական համալսարանում, իսկ մայիսի 17-ինը՝ Հայաստանի գեղարվեստի պետական ակադեմիայում։ Սեմինարի հիմնական նպատակներն են՝
Այցի շրջանակներում կներկայացվեն համալսարանների ենթակառուցվածքներն ու կրթական ծրագրերը, ինչպես նաև մասնակից երկրների լավագույն փորձի օրինակները: Բացի այդ, նախատեսված են ավստրիական գործընկերների կողմից երևանյան համալսարանների այցելություններ, որոնց միջոցով կստեղծվեն տեղական բուհերին մոտիկից ծանոթանալու և համագործակցության ծրագրեր մշակելու լայն հնարավորություններ: Ավստրիական պատվիրակությունը բաղկացած է 22 մասնակիցներից 12 բուհերից և ազգային գործակալությունից, իսկ հայաստանյան կողմից հանդիպմանը կմասնակցեն մոտ 40 ներկայացուցիչներ երևանյան և մարզային 22 բուհերից։
Երևանում կոնտակտային սեմինարի թիրախային խումբը ակադեմիական հանրության ներկայացուցիչներն են, ովքեր շահագրգռված են ավստրիացի գործընկերների հետ նոր գործընկերություններ հաստատելու և ԵՄ—ի կողմից ֆինանսավորվող Էրազմուս+ ծրագրի շրջանակներում համաձայնագրեր նախաձեռնելու ուղղությամբ:
Տեղական բոլոր լրատվամիջոցները հրավիրվում են մասնակցելու երկօրյա միջոցառմանը: Ողջունելի են նաև հրավերները հարցազրույցների, հեռուստատեսային և լրատվական եթերների: