ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

Դիջիթեյն տեխնոլոգիական ընկերությունը 2023 թվականին իր Սոցիալական պատասխանատվության ծրագրերի շրջանակում սահմանել է կրթաթոշակներ Դիջիթեյնում աշխատած այն գործընկերների անունով, ովքեր զոհվել են 44-օրյա պատերազմի ժամանակ։ Ճարտարապետության և շինարարության Հայաստանի ազգային համալսարանից ընկերությունում աշխատել է շինարարության ֆակուլտետի ուսանող Արման Անդրեասյանը, ում անունով սահմանվել է միանվագ կրթաթոշակ 250.000 դրամի չափով:

Մրցույթին կարող են մասնակցել ՃՇՀԱՀ շինարարության ֆակուլտետի 2023-2024 ուսումնական տարվա բակալավրիատի առկա և հեռակա ուսուցման 2-5-րդ կուրսերի, մագիստրատուրայի առկա ուսուցման 1-ին և 2-րդ, հեռակա ուսուցման 2-րդ կուրսերի ուսանողները, որոնք ունեն ՄՈԳ-ի 16 և ավելի միավոր, ինչպես նաև համապատասխանություն ներքոնշյալ կարգավիճակներից առնվազն 1-ին.

•  1-ին կամ 2-րդ կարգի հաշմանդամություն ունեցող ծնողի ուսանող,
•  Զոհված (մահացած) զինծառայողների ծնող, ամուսին (կին), մինչև 27 տարեկան զավակ հանդիսացող ուսանող,
•  Ժամկետային պարտադիր զինվորական ծառայության ժամանակ ծառայողական պարտականությունները կատարելիս 1-ին կամ 2-րդ խմբի հաշմանդամություն ձեռք բերած ուսանող,
•  Մարտական գործողություններին մասնակցած ուսանող,
•  Մարտական հերթապահություն իրականացրած ուսանող,
•  Ընտանիքների անապահովության սահմանային միավորից բարձր միավորներ ունեցող ուսանող,
•  Սոցիալական աջակցություն ստացող սահմանամերձ համայնքների բնակավայրերի ուսանող,
•  Առկա ուսուցմամբ բակալավրի կրթական ծրագրերով սովորող՝ երկու և ավելի անչափահաս երեխա ունեցող ուսանող,
•  Մինչև 1 տարեկան երեխայի ծնող հանդիսացող ուսանող,
•  Ընտանիքում 3 անչափաս երեխա ունեցող ուսանող,
•  Ընտանիքում 3 ուսանող երեխա,
•  1-ին, 2-րդ խմբի հաշմանդամություն ունեցող և հաշմանդամ երեխա ճանաչված ուսանող:

Դիմումները կարող եք ներկայացնել մինչև սեպտեմբերի 20-ը առցանց հարթակի միջոցով, ինչպես նաև թղթային տարբերակով ՃՇՀԱՀ շինարարության ֆակուլտետի դեկանատ: