ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

Հրայր Հովնանյան ընտանեկան հիմնադրամը ներկայացնել է իր անհատական դրամաշնորհների (Fellowships) ծրագիրը։

Ծրագրի շրջանակներում Հիմնադրամը հովանովորում է այն ուսանողներին, որոնք միջազգային տարատեսակ հեղինակավոր հարթակներում ներկայացնում են Հայաստանը՝ իրենց աշխատանքների կամ տաղանդների միջոցով։ Հարթակները կարող են ներառել մասնագիտական համաժողովներ, գիտաժողովներ, միջազգային մրցույթներ, փառատոներ, ցուցահանդեսներ և ավելին։

Սա գերազանց հնարավորություն է ուսանողների և շրջանավարտների համար՝ ներկայանալու միջազգային հարթակներում, իրականացնելու փորձի փոխանակում և հաստատելու որակյալ կապեր։

Ծրագիրը նախատեսում է ֆինանսավորել միջազգային հարթակում ներկայանալու համար անհրաժեշտ հետևյալ ծախսերը՝

• Մասնակցության վճարը
• Ավիատոմսը
• Հյուրանոցը
• Սնունդը և տեղի տրանսպորտը

Մասնակցելու համար անհրաժեշտ է լրացնել Դիմումի ձևը  և անհրաժեշտ փաստաթղթերի հետ միասին ուղարկել info@hovnanianfoundation.org էլ․ հասցեին։ Վերջնաժամկետներ չկան, ծրագիրը գործում է ողջ տարվա ընթացքում։

 Նախորդ դրամաշնորհառուներին կարող եք ծանոթանալ ստորև.

• Դաշնակահար Զարուհի Քարամիջյանը ներկայացավ Նյու Յորքի «Քարնեգի Հոլ» համերգասրահում, մանրամասն՝ այստեղ։
• «ՕնՕֆֆ» անիմացիոն ստուդիայի երկու տաղանդավոր անդամներ Լուսինեն և Գոռը մասնակցեցին անիմացիոն ֆիլմերի միջազգային փառատոնին Ֆրանսիայի Անսի քաղաքում՝ ներկայանալով հայկական տաղավարում, մանրամասն՝ այստեղ։