«Erasmus+ GEOTAK» նախագծի կոնսորցիումը փնտրում է որակի արտաքին ենթապայմանագրային փորձագետի` տրամադրելու անկախ կարծիք, ներառյալ` խորհրդատվություն նախագծի իրականացման ձեռքբերումների, ինչպես նաև  ընդհանուր կատարողականի վերաբերյալ` նախագծի պլաններին և նպատակներին համապատասխան: Կոնսորցիումը կդիտարկի անհատ փորձագետների կամ եվրոպական մակարդակով կրթական նախագծերի մշտադիտարկման և գնահատման մեջ մասնագիտացած կազմակերպությունների դիմումներն ու հայտերը: Փորձագետը պետք է ցուցաբերի անհրաժեշտ հմտություններ և փորձ` «Erasmus+» ծրագրին հաջորդող մշտադիտարկման և գնահատման հաշվետվությունների կատարողականի իրականացման համար:

Արտաքին գնահատողի պահանջվող փորձն ու հմտությունները և հայտարարության մանրամասները հասանելի են կից ֆայլում:

28 փետրվարի, 2023թ.

Սույն թվականի փետրվարի 28-ին ՃՇՀԱՀ-ում անցկացվեց Էրազմուս+ նախագծերի տեղեկատվական օր ներքին և արտաքին շահակիցների համար: Որպես տարբեր կոնսորցիումների գործընկեր համալսարան ՃՇՀԱՀ-ն ներկայումս իրականացնում է հինգ Էրազմուս+ նախագծեր: ՃՇՀԱՀ-ի Կրթության որակի ապահովման և զարգացման կենտրոնի ղեկավար Վարազդատ Հովհաննիսյանը ներկայացրեց Էրազմուս+ ծրագրի շրջանակում ՃՇՀԱՀ-ի իրականացվող բոլոր նախագծերին վերաբերող համառոտ տեղեկատվությունը։

Վ․Հովհաննիսյանը ներկայացրեց «Հայաստանում և Ղրղզստանում հետբուհական միջառարկայական կրթական ծրագրերի մշակումը և հետազոտական ցանցերի ամրապնդումը աշխարհատեղեկատվական տեխնոլոգիաների ոլորտում» (Erasmus+ GeoTAK) նախագծին վերաբերող տեղեկատվությունը։ Նա նշեց, որ նախագծի շրջանակում «Երևանի պետական համալսարան», «Հայաստանի ազգային ագրարային համալսարան» և «Ճարտարապետության և շինարարության Հայաստանի ազգային համալսարան» հիմնադրամների միջև ստորագրվել է պայմանագիր, որի նպատակն է կարգավորել Աշխարհատեղեկատվական տեխնոլոգիաների (GIT) ոլորտում հետբուհական բարձրագույն կրթության համատեղ ծրագրի մշակումը, իրականացումը, գնահատումը, որակի մշտադիտարկումը, նյութական, ֆինանասական, տեխնիկական ու մարդկային ռեսուրսներով ապահովվածությունը: Վ․ Հովհաննիսյանը ընդգծեց նախագծին վերաբերող ևս մեկ կարևոր իրադարձություն, որն է ՀՀ գիտության, կրթության, մշակույթի և սպորտի նախարարի նամակը, որով թույլատրվել է GeoTAK նախագծի շրջանակում «Երևանի պետական համալսարան», «Ճարտարապետության և շինարարության Հայաստանի ազգային համալսարան» և «Հայաստանի ազգային ագրարային համալսարան» հիմնադրամներին «ԻԴ.03.01 Աշխարհագրություն» և «Ե.23.06 Գեոդեզիա, ներառյալ քարտեզագրություն և կադաստր» մասնագիտություններով իրականացնել համատեղ հետբուհական փորձնական կրթական ծրագիր՝ կրեդիտների փոխադարձ ճանաչման պայմանով:

Զեկուցողը պատասխանեց միջոցառման մասնակիցների բազմաթիվ հարցերին: Միջոցառմանը մասնակցում էին ՃՇՀԱՀ-ի ռեկտոր Եղիազար Վարդանյանը, պրոռեկտորներ Ռոբերտ Սուքիասյանը, Վարդգես Եդոյանը, Մանուկ Բարսեղյանը, աշխատակազմի ղեկավար Հովսեփ Հովեյանը։ ՃՇՀԱՀ-ի ռեկտոր Ե. Վարդանյանը շնորհակալություն հայտնեց բոլոր մասնակիցներին միջոցառմանը մասնակցելու և ՃՇՀԱՀ-ի Էրազմուս+ նախագծերին իրենց ներդրումն ունենալու համար:

ԷՐԱԶՄՈՒՍ+ GEOTAK ՆԱԽԱԳԾԻ ՇՐՋԱՆԱԿՈՒՄ «ԻԴ.03.01  ԱՇԽԱՐՀԱԳՐՈՒԹՅՈՒՆ» ԵՎ «Ե.23.06 ԳԵՈԴԵԶԻԱ, ՆԵՐԱՌՅԱԼ ՔԱՐՏԵԶԱԳՐՈՒԹՅՈՒՆ և ԿԱԴԱՍՏՐ» ՄԱՍՆԱԳԻՏՈՒԹՅՈՒՆՆԵՐՈՎ ՀԱՄԱՏԵՂ ՀԵՏԲՈՒՀԱԿԱՆ ՓՈՐՁՆԱԿԱՆ ԿՐԹԱԿԱՆ ԾՐԱԳՐԻ ԻՐԱԿԱՆԱՑՄԱՆ ԹՈՒՅԼՏՎՈՒԹՅՈՒՆ

2023թ․-ի փետրվարի 6-ին ՀՀ գիտության, կրթության, մշակույթի և սպորտի նախարար՝ տ-ն Ժ․Անդրեասյանի հրամանով Էրազմուս+ GeoTAK նախագծի շրջանակում «Երևանի պետական համալսարան», «Ճարտարապետության և շինարարության Հայաստանի ազգային համալսարան» և «Հայաստանի ազգային ագրարային համալսարան» հիմնադրամներին թույլատրվել Է «ԻԴ.03.01  Աշխարհագրություն» և «Ե.23.06 Գեոդեզիա, ներառյալ քարտեզագրություն և կադաստր» մասնագիտություններով իրականացնել համատեղ հետբուհական փորձնական կրթական ծրագիր՝ կրեդիտների փոխադարձ ճանաչման պայմանով:

ԷՐԱԶՄՈՒՍ+ GEOTAK ՆԱԽԱԳԾԻ ՇՐՋԱՆԱԿՈՒՄ ՍՏՈՐԱԳՐԱԾ ՊԱՅՄԱՆԱԳԻՐ

2023թ․-ի փետրվարի 6-ին Էրազմուս+ GeoTAK նախագծի շրջանակում «Երևանի պետական համալսարան», «Հայաստանի ազգային ագրարային համալսարան» և «Ճարտարապետության և շինարարության Հայաստանի ազգային համալսարան» հիմնադրամների միջև ստորագրվել է պայմանագիր, որի նպատակն է կարգավորել Աշխարհատեղեկատվական տեխնոլոգիաների (GIT) ոլորտում հետբուհական բարձրագույն կրթության համատեղ ծրագրի մշակումը, իրականացումը, գնահատումը, որակի մշտադիտարկումը, նյութական, ֆինանասական, տեխնիկական ու մարդկային ռեսուրսներով ապահովվածությունը: Ստորագրած պայմանագրով սահմանված են համագործակցության  կրթական, գիտահետազոտական, միջազգային, տեղեկատվական, փորձագիտական և խորհրդատվական, նյութատեխնիկական, փոխադարձ հետաքրքրություն ներկայացնող այլ ուղղությունները: Պայմանագրով սահմանված են նաև պայմանագիրը ստորագրած կողմերի պարտականությունները։

ՃՇՀԱՀ ՆԵՐԿԱՅԱՑՈՒՑԻՉՆԵՐԻ ԱՅՑԸ ՎԱԼԵՆՍԻԱՅԻ ՊՈԼԻՏԵԽՆԻԿԱԿԱՆ ՀԱՄԱԼՍԱՐԱՆ

ԵՄ ֆինանսավորմամբ իրականացվող ERASMUS+ GeoTAK նախագծի գործողությունների շրջանակում ՃՇՀԱՀ ներկայացուցիչները, ի դեմս ուսումնական աշխատանքների գծով պրոռեկտոր Ռ․Սուքիասյանի, Կրթության որակի ապահովման և զարգացման կենտրոնի ղեկավար Վ․Հովհաննիսյանը, Ինժեներական գեոդեզիայի ամբիոնի դասախոսներ Ս. Կրոյանը, Լ. Եղիյանը և Ա. Միրզոյանը, այցելել էին Վալենսիայի պոլիտեխնիկական համալսարան, մասնակցելու «Գեոդեզիայի, քարտեզագրական և տեղագրական ճարտարագիտության» դպրոցում կազմակերպված «Մշակութային ժառանգության տվյալների հավաքագրում և փաստաթղթավորում՝ գեոինֆորմացիոն տեխնոլոգիաների կիրառմամբ» թեմայով վերապատրաստման դասընթացներին։ Դասընթացներն իրականացվեցին 2022 թվականի նոյեմբերի 28-ից դեկտեմբերի 4-ը ընկած ժամանակահատվածում։ Վերապատրաստման ընթացքում մասնակիցները ծանոթացան մշակութային օբյեկտների եռաչափ (3D) սկանավորման/մոդելավորման, օդատիեզերական պատկերների մշակման առանձնահատկություններին և այլ թեմաներին վերաբերող հարցերին։ Այցելության ընթացքում տեղի ունեցավ նաև GeoTAK նախագծի կառավարման հանձնաժողովի հանդիպումը, որի ժամանակ քննարկվեցին նախագծի գործողություններին, ժամանակացույցին և ֆինանսական իրավիճակին վերաբերող հարցեր։

Այցելության ընթացքում ՃՇՀԱՀ ուսումնական աշխատանքների գծով պրոռեկտոր Ռ․Սուքիասյանը և Կրթության որակի ապահովման և զարգացման կենտրոնի ղեկավար Վ․Հովհաննիսյանը մի շարք այլ հանդիպումներ ունեցան Վալենսիայի պոլիտեխնիկական համալսարանի (ՎՊՀ) ներկայացուցիչների հետ։ Մասնավորապես, նրանք հանդիպեցին ՎՊՀ պրոռեկտորի հետ, Ճարտարապետության ֆակուլտետի դեկանի և դեկանի տեղակալների, Քաղաքացիական շինարարության ֆակուլտետի դեկանի և դեկանի տեղակալների, ՎՊՀ «ԻԴԵԱ» նորարարական կենտրոնի ներկայացուցիչի հետ և այլն։ Հանդիպումների նպատակը ոչ միայն փորձի փոխանակումն էր, այլև հետագա համագործակցության ընդլայնումն ու խորացումը տարբեր ուղղություններով։

ՃՇՀԱՀ-Ի ԻՆԺԵՆԵՐԱԿԱՆ ԳԵՈԴԵԶԻԱՅԻ ԱՄԲԻՈՆԻ ԴԱՍԱԽՈՍՆԵՐԻ ԿԱՏԱՐԱԾ ԱՅՑԸ ԲՐՅՈՒՍԵԼԻ ՎՐԻՋ ՀԱՄԱԼՍԱՐԱՆ

2022թ․-ի դեկտեմբերի 5-ից 8-ը Բրյուսելի Վրիջ համալսարանում տեղի ունեցավ «Աշխարհագրական տեղեկատվական համակարգերը բնական աղետների ժամանակ» խորագրով վերապատրաստման դասընթացը, որին մասնակցեցին ինժեներական գեոդեզիայի ամբիոնի դասախոսներ Նաիրա Գյուրջյանը, Նարինե Հարությունյանը և Դավիթ Հախվերդյանը:

Դասընթացների ընթացքում արտասահմանյան առաջատար փորձագետները վերապատրաստման մասնակիցներին են ներկայացրել տարերային աղետների (երկրաշարժի, սողանքի, հրաբուխի) ժամանակ տարածական տվյալների կառավարման առանձնահատկությունները, դրանց տեղակապումը քարտեզների հետ, այդ գործընթացում կիրառվող ծրագրային ապահովումները:

Այցի շրջանակներում մասնակիցներին մանրամասն ներկայացվել է EM-DAT բնական աղետների տվյալների միջազգային բազայի ծրագրային ապահովումը:

Վերապատրաստման մասնակիցներն ակտիվորեն քննարկել և նյութեր են նախապատրաստել համատեղ հետբուհական (ասպիրանտական) կրթական ծրագրի իրականացման ուղղությամբ (PHD), ինչպես նաև քննարկվել են այլ ծրագրային առաջարկներ:

Մասնակիցներն այցելել են նաև Բրյուսելում բնական աղետների էպիդեմոլոգիայի հետազոտման կենտրոն և Եվրամիության խորհրդարան, տեղում ծանոթացել ոլորտի նորարություններին:

ԱՇԽԱՏԱՆՔԱՅԻՆ ՀԱՆԴԻՊՈՒՄ ՃՇՀԱՀ-ՈՒՄ «ԷՐԱԶՄՈՒՍ+ GeoTAK» ՆԱԽԱԳԾԻ ՇՐՋԱՆԱԿՈՒՄ

Տեղեկատվական օր ներքին և արտաքին շահակիցների համար

Սույն թվականի փետրվարի 28-ին ՃՇՀԱՀ-ում անցկացվեց «Էրազմուս+» նախագծերի տեղեկատվական օր ներքին և արտաքին շահակիցների համար: Ճարտարապետության և շինարարության Հայաստանի ազգային համալսարանը, որպես տարբեր կոնսորցիումների գործընկեր ներկայումս իրականացնում է հինգ Էրազմուս+ նախագծեր: ՃՇՀԱՀ Կրթության որակի ապահովման և զարգացման կենտրոնի ղեկավար Վարազդատ Հովհաննիսյանը ներկայացրեց «Erasmus+» «Հայաստանում և Ղրղզստանում աշխարհատեղեկատվական տեխնոլոգիաների ոլորտում միջառարկայական հետբուհական ծրագրերի մշակում և հետազոտական ցանցերի ամրապնդում» (GeoTAK) նախագծի հիմնական հատկանիշները, նպատակները, խնդիրները, ակնկալվող արդյունքները, ինչպես նաև ձեռքբերումները:  Պարոն Հովհաննիսյանը պատասխանեց մասնակիցների բազմաթիվ հարցերին։ Միջոցառմանը մասնակցում էին ՃՇՀԱՀ ղեկավար կազմը ի դեմս ռեկտոր Ե. Վարդանյանի։ Միջազգային կապերի գծով պրոռեկտոր Վ.Եդոյանն ընդգծեց «Էրազմուս+» նախագծերի կարևորությունը ՃՇՀԱՀ զարգացման և դրա ուսումնական ծրագրերի արդիականացման համար։ ՃՇՀԱՀ ռեկտոր պարոն Ե.Վարդանյանը շնորհակալություն հայտնեց բոլոր մասնակիցներին միջոցառմանը մասնակցելու և ՃՇՀԱՀ «Էրազմուս+» նախագծերին իրենց ներդրումն ունենալու համար:

Կից ներկայացված է  օրակարգը և զեկույցը:

Մասնակցություն «Տիեզերական դիտարկում և շրջակա միջավայրի մոնիտորինգ» դասընթացին

Հայաստանի ամերիկյան համալսարանի (ՀԱՀ) Յակոբեան բնապահպանական կենտրոնը հինգ գործընկերներ կազմակերպությունների հետ համատեղ 2020թ. հուլիսի 1-ից մեկնարկել է «Սեւծովյան ավազանում շրջակա միջավայրի մոնիտորինգ Կոպերնիկուս համակարգի միջոցով» (ՊՈՆՏՈՍ) ծրագիրը:  GeoTAK- ՀԱԱՀ թիմի Մասնակից Արմինե Համբարձումյանը մասնակցել է ՊՈՆՏՈՍ ծրագրի շրջանակներում երիտասարդ գիտնականների և մասնագետների համար կազմակերպված

«Տիեզերական դիտարկում և շրջակա միջավայրի մոնիտորինգ» թեմայով եռօրյա դասընթացի առաջին մասին:

Դասընթացը տեղի է ունեցել Հայաստանի ամերիկյան համալսարանում, իսկ դասընթացի երրորդ օրը գործնական դաշտային աշխատանքներ են իրականացվել Սևանի ավազանում:

Ուսանողների մասնակցությունը գործնական աշխատանքներին

Ջրային և հողային ռեսուրսների կառավարման արդի տեխնոլոգիաների վերաբերյալ վերապատրաստման դասընթաց

ՀԱԱՀ-ի Ջրային և հողային ռեսուրսների կառավարման տեխնոլոգիական հետազոտական կենտրոն-ում  2021թ․ Մայիսի 27-ին փորձագետ տ.գ.թ. Տիգրան Հովհաննիսյանը իրականացրեց  Ջրային և հողային ռեսուրսների կառավարման արդի տեխնոլոգիաների վերաբերյալ վերապատրաստման դասընթաց «Հողերի մոնիթորինգի և անշարժ գույքի կադաստրի վարման հնարավորությունները GIS համակարգերի ներդրման գործընթացում»թեմայով։

«Որոշումների կայացմանն աջակցող համակարգի»  օգտագործման վերապատրաստման դասընթաց

GeoTAK նախագծի  Հայաստանի ազգային ագրարային համալսարանի թիմի մասնակիցներ պրոֆեսոր Գուրգեն Եղիազարյանը և ասպիրանտ Արմինե Համբարձումյանը մասնակցեցին Երկրատեղեկատվական համակարգերի (ArcGIS) կիրառությամբ «Որոշումների կայացմանն աջակցող համակարգի»  օգտագործման վերապատրաստման դասընթացին։

Ազգային մեկնարկային հանդիպում Ղրղզստանում

2021 թվականի ապրիլի 5-ին Ղրղզստանում Էրազմուս + ծրագրի ազգային գրասենյակը կազմակերպեց Էրազմուս + Բարձրագույն կրթության ոլորտում կարողությունների զարգացման ծրագրի շրջանակներում ֆինանսավորման համար ընտրված նախագծերի առցանց հանդիպում, որոնց շարքում էր GeoTAK նախագիծը: Հանդիպման նպատակն էր ծանոթանալ Էրազմուս + ծրագրի ընթացակարգերին, այդ թվում՝ ծրագրի իրականացման գործնական հարցերին (+տեղեկատվություն)

Նույն կերպ, 2021 թվականի ապրիլի 6-ին Ղրղզստանում Էրազմուս + ծրագրի ազգային գրասենյակը իրականացրեց ոլորտային դիտորդական այց GeoTAK նախագծի շրջանակներում՝ հիմք ընդունելով Ակադեմիկոս Ու. Ասանալիևի անվան Ղրղզստանի երկրաբանության, լեռնահանքային արդյունաբերության և բնական պաշարների զարգացման պետական համալսարանը (+ տեղեկատվություն)

Նյութ (.pdf)

Ազգային մեկնարկային հանդիպում Հայաստանում

2021 թ․ մարտի 17-ին տեղի ունեցավ Հայաստանում Էրազմուս+ ազգային գրասենյակի հետ Ազգային մեկնարկային հանդիպումը: Հանդիպման ընթացքում ներկայացվեցին Բարձրագույն կրթության ոլորտում կարողությունների զարգացման ծրագրի շրջանակներում ֆինանսավորման համար ընտրված նախագծերը, այդ թվում՝ GeoTAK նախագիծը։ Հանդիպման նպատակն էր ծանոթանալ Էրազմուս + ծրագրի ընթացակարգերին, այդ թվում՝ ծրագրի իրականացման գործնական հարցերին