(010) 303-300
Ճարտարապետության և շինարարության Հայաստանի ազգային համալսարանի ավագ դպրոցը շարունակում է ակտիվ ներգրավվածությունը կրթական և գիտական նախաձեռնություններին՝ կարևորելով սովորողների հետազոտական մտածողության զարգացումն ու ստեղծարար ներուժի բացահայտումը։
«Հայկական համադպրոցական գիտության փառատոն-2026»-ի շրջանակում ավագ դպրոցը հանդես եկավ 6 նախագծով՝ գրանցելով նշանակալի հաջողություններ և զբաղեցնելով մրցանակային տեղեր։
Մրցանակակիր նախագծերն են՝
«Մաթեմատիկա և համակարգչային գիտություններ» անվանակարգ
«Լռակյաց կապ» (Մարտիրոսյան Սարգիս) — I կարգ
«Ավրորա» (Օգանով Ալեն, Պետրոսյան Արծրուն) — II կարգ
«Ազատություն» (Սաֆարյան Արտակ, Հայրապետյան Անահիտ) — III կարգ
«Ֆիզիկա և աստղագիտություն» անվանակարգ
«Մաքուր հորիզոն» (Բարսեղյան Մարինա, Պապոյան Նարե) — պատվոգիր
Մասնակից այլ նախագծեր՝
«Carry Pal» (Սողոմոնյան Ալեքսանդր, Կիրակոսյան Դավիթ)
«AERIS աշտարակ» (Պողոսյան Էլեն, Բդեյան Մանե)
Վերոնշյալ բոլոր նախագծերն իրականացվել են ֆիզիկայի ուսուցչուհի Լիանա Առուստամյանի ղեկավարությամբ՝ ապահովելով բարձր գիտական մակարդակ և նորարարական ու ստեղծարար մոտեցումներ։
ՃՇՀԱՀ ավագ դպրոցի հաջողությունները ևս մեկ անգամ վկայում են, որ կրթական միջավայրում ձևավորվում են գիտությամբ հետաքրքրված, ստեղծարար և նպատակասլաց երիտասարդներ։ Համալսարանը շարունակելու է աջակցել նման նախաձեռնություններին՝ խթանելով գիտակրթական զարգացումն ու նոր ձեռքբերումները։
