ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

Ճարտարապետության և շինարարության Հայաստանի ազգային համալսարանը Էրազմուս+ KA-171 միջազգային շարժունության ծրագրի շրջանակում հայտարարում է մրցույթ՝ Universidade da Coruña-ում (Իսպանիա) 2026–2027 ուսումնական տարվա առաջին կիսամյակում ուսումնառելու մեկ տեղի համար։

Ծրագրին կարող են դիմել Ճարտարապետության, Շինարարության ֆակուլտետների անգլերենին և իսպաներենին տիրապետող (առնվազն B1 մակարդակ), բարձր առաջադիմություն ունեցող ուսանողները: Նախապատվությունը կտրվի իսպաներենին տիրապետող ուսանողին՝ հաշվի առնելով, որ համալսարանում որոշ դասընթացներ իրականացվում են իսպաներենով։

Կրթական ծրագրերի վերաբերյալ մանրամասն տեղեկատվությունը հասանելի է հետևյալ հղումներով՝

• https://estudos.udc.es/en/degrees
• https://www.udc.es/en/ori/internacionalizacion/facultades/

Ուշադրություն. Universidade da Coruña-ի և ՃՇՀԱՀ-ի կրթական ծրագրերի համապատասխանության վերաբերյալ հարցերի հստակեցման նպատակով խնդրում ենք նախապես դիմել համապատասխան ֆակուլտետների դեկանատներ։

Մրցույթին մասնակցելու համար անհրաժեշտ են հետևյալ փաստաթղթերը՝

• Ինքնակենսագրություն (CV)՝ անգլերենով:
• Հիմնավորման նամակ (Motivation Letter)՝ անգլերեն և հայերենª ստորագրված դիմումատուի և ֆակուլտետի դեկանի կողմից:
• Առաջադիմության վերաբերյալ տեղեկանք (ՄՈԳ):
• Օտար լեզվի տիրապետման հավաստագիր կամ տեղեկանք (առկայության դեպքում)։

Փաստաթղթերը անհրաժեշտ է ներկայացնել համապատասխան ֆակուլտետների դեկանատներ մինչև մարտի 23-ը՝ աշխատանքային օրվա ավարտը։

Մրցույթը կանցկացվի հարցազրույցի ձևաչափով մարտի 25-ին՝ ժամը 15:30-ին (անցկացման վայրի մասին տեղեկատվությունը՝ լրացուցիչ)։