ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

ա) Խաղողի տերևների հարթաքանդակով և կճուճով	բ) Բուսական տարրի հարթաքանդակով և կճուճով	գ) Խնձորի հարթաքանդակով և կճուճով

2026-2027 ուսումնական տարվա  ընդունելության մասին տեղեկատվությունը մշակման փուլում է:
Հարցերի դեպքում կարող եք զանգահարել 010-303-300,  ներքին համար 9-33  կամ 010-58-01-56։

2025-2026 ՈւՍՈւՄՆԱԿԱՆ ՏԱՐՎԱ ԸՆԴՈւՆԵԼՈւԹՅԱՆ (ԸՍՏ ԲԱԿԱԼԱՎՐԻ Ու ԱՆԸՆԴՀԱՏ ԵՎ ԻՆՏԵԳՐԱՑՎԱԾ ԿՐԹԱԿԱՆ ԾՐԱԳՐԵՐԻ) ՆԵՐԲՈւՀԱԿԱՆ ՔՆՆԱԿԱՆ ԱՌԱՐԿԱՅԻ՝ «ԳԾԱԳՐՈւԹՅԱՆ»   ՄԱՍՆԱԳԻՏԱԿԱՆ ԾՐԱԳԻՐԸ, ՔՆՆԱԿԱՆ ԱՌԱՋԱԴՐԱՆՔԻ ԿԱՏԱՐՄԱՆ ՊԱՀԱՆՋՆԵՐԸ ԵՎ ԳՆԱՀԱՏՄԱՆ ՉԱՓԱՆԻՇՆԵՐԸ

ՄԱՍՆԱԳԻՏՈւԹՅՈւՆ

073101.00.6 - «Ճարտարապետություն»

ԳԾԱԳՐՈւԹՅՈւՆ

Մասնագիտական ծրագիր. (օրինակները` հավելված 1-ում և 2-ում)

«Գծագրություն» առարկայի քննությունը նպատակաուղղված է ստուգելու դիմորդների՝ գրաֆիկական աշխատանքներ կատարելու ունակությունները, ծավալատարածական ընկալման և դրա պատկերման կարողունակությունը, ինչպես նաև գնահատելու դիմորդի գիտելիքները և ունակությունները պրոյեկցիոն գծագրությունից, եռաչափ օբյեկտները  հարթության վրա պրոյեկցիաների մեթոդով ճշգրիտ արտապատկերելու, պրոյեկցիոն պատկերների օգնությամբ բնօրինակ օբյեկտը տարածության մեջ ճշգրիտ պատկերացնելու և վերարտադրելու կարողությունը․ ի թիվս վերոհիշյալների՝ նաև ստուգելու և գնահատելու երկրաչափական կառուցումներ անելու ունակությունները: 

Առաջադրանքի և դիմորդների նստատեղերի ընտրությունը կատարվում է վիճակահանությամբ: Քննության համար տրվում է 4 ժամ (240 րոպե): Առաջադրանքը կատարվում է A2 ձևաչափի գծագրական թղթի վրա:

Քննական առաջադրանքի կատարման պահանջները. 

Քննական տոմսերը ներառում են առաջադրանքներ պրոյեկցիոն գծագրությունից և երկրաչափական կառուցման խնդիրներ, որոնցում լուսաբանվում են հետևյալ թեմաները.

• Պրոյեկտման մեթոդներ, ուղղանկյուն և զուգահեռ պրոյեկցիաներ
• Երկրաչափական մարմինների համալիր գծագրերի և աքսոնոմետրիկ պրոյեկցիաների կառուցման կանոններ
• Գծագրերի ձևավորման ստանդարտ կանոններ
• Երկրաչափական կառուցման հիմնական խնդիրներ: Լծորդումներ և հարթ շրջագծերի կառուցում
• Հատույթներ և կտրվածքներ

Քննական տոմսերում ներառված են հետևյալ երկու խնդիրները՝ (Հավելված 1, 2)

1. Աքսոնոմետրիա, հատույթ, պրոյեկցիա, որով տրված են հանույթներով և հատույթներով մարմնի երկու պրոյեկցիաները: 

Պահանջվում է կառուցել նրա երրորդ պրոյեկցիան և աքսոնոմետրիան՝ տալով բոլոր անհրաժեշտ կտրվածքները:

1. Լծորդում, որտեղ անհրաժեշտ է կառուցել առաջադրված հարթ շրջագիծը՝ նշելով չափսերը և պահպանելով կառուցման գծերը, որը ներառում է լծորդման խնդիրներ:

Առաջադրանքի գնահատման չափանիշներ.

Առաջին առաջադրանքը բաժանվում է բաղադրիչների և գնահատվում  հետևյալ կերպ.

• Առաջադրված պրոյեկցիաների կառուցումը կտրվածքներով` 4 (չորս) միավոր
• Բացակայող պրոյեկցիայի կառուցումը կտրվածքով` 4 (չորս) միավոր
• Աքսոնոմետրիայի կառուցումը հանվածքով` 6 (վեց) միավոր

Երկրորդ առաջադրանքը բաժանվում է բաղադրիչների և գնահատվում հետևյալ կերպ.

• Լծորդման խնդիրներ՝ 4 (չորս) միավոր
•  Չափադրում՝ 1 (մեկ) միավոր
• Ընդհանուր աշխատանքի գրաֆիկական կատարման որակի և ստանդարտների պահպանման համար` 1 (մեկ) միավոր:

Ընդամենը՝ 20 միավոր

Նախապես ծածկագրված քննական աշխատանքներն ստուգվում և գնահատվում են հանձնաժողովի անդամների կողմից: Դրական են համարվում 7.5 և բարձր միավորները (համաձայն ՀՀ կառավարության 2012 թվականի ապրիլի 26-ի N 597-Ն որոշման). գնահատման միավորները նշանակվում են հարյուրերորդական մասի պահպանումով, այնուհետև` միջինացվում են:

2025-2026թ. ՃՇՀԱՀ-ի բակալավրի ընդունելության ներբուհական ճարտարապետություն մասնագիտության գծագրություն քննական առարկայի խնդիրների ժողովածու

«ԳԾԱԳՐՈՒԹՅՈՒՆ» քննական առարկայի տոմսի օրինակ

Ձև 1

2026-2027 ուսումնական տարվա  ընդունելության մասին տեղեկատվությունը մշակման փուլում է:
Հարցերի դեպքում կարող եք զանգահարել 010-303-300,  ներքին համար 9-33  կամ 010-58-01-56։

Գիտելիքի, ստեղծագործական կարողությունների թեստի օրինակ- 2026-2027 (ԳՍԿԹ):