Կրթության որակի ապահովման (ԿՈԱ) կենտրոնի առաքելությունը
Կենտրոնի առաքելությունը համալսարանում որակի ներքին ապահովման համակարգի ստեղծումն ու զարգացումն է և կրթության որակի շարունակական բարելավման մշակույթի ձևավորումը:
Խնդիրները
ՃՇՀԱՀ գործունեության բոլոր հիմնական ոլորտներում որակի միասնական չափանիշների սահմանում, ԿՈԱ գործընթացների
ներդաշնակեցում, իրականացում և համակարգում:
ՃՇՀԱՀ ինստիտուցիոնալ և նրա կրթական ծրագրերի որակի արտաքին գնահատման և հավատարմագրման համար կանոնակարգային և
կազմակերպական հիմքի ստեղծում:
ՃՇՀԱՀ որակի ներքին և արտաքին գնահատման գործըն թացների միջև կապի ապահովում:
ՃՇՀԱՀ կրթության որակի վերաբերյալ հրապարակային և ճշգրիտ տեղեկատվության հասանելիության ապահովում , ներքին և արտաքին
շահեկիցների առջև հաշվետվողականության ապահովում:
Գործառույթները
մշակում է ՃՇՀԱՀ որակի ներքին ապահովման կանոնակարգային, ընթացակարգային և չափորոշիչ փաստաթղթերը,
համակարգում և վերահսկում է որակի ներքին ապահովման գործընթացների իրականացումը և մշտապես բարելավում է դրանք՝
աջակցություն ցուցաբերելով ՃՇՀԱՀ բոլոր ստորաբաժանումներին,
աջակցում է կրթական ծառայությունների որակի շարունակական բարելավմանը՝ համագործակցելով արտաքին և ներքին շահակիցների
հետ,
համակարգում, նախաձեռնում և իրականացնում է տեղական և միջազգային ծրագրեր, որոնք ուղղված են բարելավելու կրթության
որակի ներքին ապահովման գործընթացները,
կրթական ծրագրերի հաստատման, դրանց ընթացիկ մշտադիտարկման և պարբերաբար վերանայման համար մշակում է որակի ներքին
ապահովման ընթացակարգեր, համակարգում և աջակցում է դրանց իրականացմանը ՃՇՀԱՀ ստորաբաժանումներում և ստուգում է դրանց համապատասխանությունը սահմանված ուղենիշերին, չափանիշներին
համակարգում և իրականացնում է ուսումնառության և դասավանդման որակի գնահատմանն առնչվող գործընթացները,
մշակում է դասավանդման, ուսումնառության և ուսանողների գնահատման գործիքակազմը և ընթացակարգերը,
գնահատում է դասախոսական կազմի ուսումնամեթոդական գործունեությունը և դրա արդյունավետությունը.
նպաստում է որակի ապահովման գործընթացներում ուսանողների ներգրավվածության և իրազեկության աստիճանի բարձրացմանը
համագործակցում է ՃՇՀԱՀ գիտական խորհրդի և ֆակուլտետների գիտական խորհուրդների ԿՈԱ մշտական հանձնաժողովների հետ և
աջակցում նրանց աշխատանքներին,
կազմակերպում է ՃՇՀԱՀ ինստիտուցիոնալ հավատարմագրման ինքնագնահատման գործընթացը, համապատասխան վերլուծության
իրականացումը, զեկույցի պատրաստումը և հաջորդող գործողությունների պլանավորումն ու վերահսկումը,
համակարգում է համալսարանի ստորաբաժանումների աշխատանքը հավատարմագրող մարմինների փորձագիտական այցերի ժամանակ,
կազմակերպում և համակարգում է ՃՇՀԱՀ կրթական ծրագրերի ինքնագնահատման գործընթացները և օժանդակում է դրանց արտաքին
գնահատման և հավատարմագրման գործընթացների ժամանակ:
