ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

Մագիստրատուրայում ընդունելությունը կազմակերպվում է բակալավրի կրթական աստիճանի առկայության դեպքում.

• միջկառավարական և միջպետական համաձայնագրերի շրջանակներում,
• միջբուհական համաձայնագրերի շրջանակներում,
• ընդհանուր հիմունքներով,
• ՀՀ ԿԳՄՍՆ գրություններով:

Մագիստրատուրայում առկա ուսուցման տևողությունը 2 տարի է, հեռակա ուսուցման տևողությունը՝ 2,5 տարի: Մագիստրատուրայում օտար լեզուներով ուսումնառությունը կազմակերպվում է միայն առկա ուսուցմամբ:

Բոլոնիայի գործընթացի շրջանակներում մագիստրատուրայում շարժունությունն իրականացվում է մեկ կիսամյակ կամ մեկ ուսումնական տարի ժամկետով: 

Դիմորդը ՀՀ ԿԳՄՍՆ ներկայացնում է հետևյալ փաստաթղթերը`

1. դիմում` Հայաստանի Հանրապետության Կրթության, գիտության, մշակույթի և սպորտի նախարարի անունով.
2. նախարարության կողմից տրամադրված    դիմում-հարցաթերթիկ` համաձայն ձևի.
3.  բժշկական տեղեկանք ընդհանուր առողջական վիճակի մասին, որը կարող է տրված լինել նաև Հայաստանի Հանրապետության բժշկական կազմակերպությունների կողմից.
4. անձնագրի կամ ծննդյան վկայականի բոլոր էջերի պատճենները և (կամ) մկրտության վկայականը.
5. կրթական աստիճանի ավարտական փաստաթղթի պատճենը.
6. 3 x 4 չափսի 4 լուսանկար.
7. ինքնակենսագրություն (CV)` հայերենով, ռուսերենով կամ անգլերենով.

2021-2022 ուսումնական տարում համալսարան ընդունվող արտասահմանյան քաղաքացիների համար սահմանված ուսման տարեկան վարձաչափերը

 Համալսարանի բոլոր ֆակուլտետների հայերենով ուսուցանվող խմբերում ուսման վարձը սահմանվում է ՀՀ քաղաքացիների համար սահմանված ուսման վարձաչափին հավասար:

 4,648 просмотров всего,  8 просмотров сегодня