Ճարտարապետության ԵՎ Շինարարության
Հայաստանի ազգային համալսարան

Եվրոպական հավատարմագրում ունեցող համալսարան

Ճարտարապետության ԵՎ Շինարարության
Հայաստանի ազգային համալսարան

Եվրոպական հավատարմագրում ունեցող համալսարան

ՄԵՐՈՆՑ ՁԵՌՔՈՒՄ ԱՐՎԵՍՏԻ ԳՈՐԾ ԵՆ ԴԱՌՆՈՒՄ ՆՈՒՅՆԻՍԿ ԳՈՒՆԱՎՈՐ ԹՂԹԻԿՆԵՐԸ

Ճարտարապետության և շինարարության Հայաստանի ազգային համալսարանի գրաֆիկ դիզայներները չեն սիրում սահմանափակել իրենց միտքը ստանդարտներով, մշտապես նորի ու կրեատիվի փնտրտուքի մեջ են:

Այսպես, երկար մտորելուց և այլընտրանքային ուղիներ որոնելուց հետո, ծնվեց մի սիրուն ու տարբերվող նախագիծ: Եթե բարձրանաք համալսարանի 4-րդ հարկ, կտեսնեք Մայր Հայաստանի հուշահամալիրը, բայց ոչ թե ճարտարապետ Ռաֆայել Իսրայելյանի և քանդակագործ Արա Հարությունյանի հեղինակած, այլ՝ Դիզայն ամբիոնի դասախոս Տարոն Ալեքսանյանի և գրաֆիկ-դիզայնի 4-րդ կուրսի ուսանողներ Ասթինե Սարգսյանի, Քրիստինա Մովսիսյանի և Լուիզա Ներսիսյանի: 

Բոլորիս հայտնի արվեստի գործը մերոնք փորձել են կրկնօրինակել պիքսելային լուծումներով՝ նշումների համար նախատեսված թղթերի կիրառմամբ: Տարոն Ալեքսանյանը վստահ է, որ նմանատիպ նախաձեռնությունները ոչ միայն զարգացնում են ուսանողների միտքը, այլև համեմում եմ ուսանողների առօրյան արվեստով և այն առավել հետաքրքիր դարձնում:

Համալսարանում կետային տարբերակով իրականացված Մայր Հայաստանի օրինակն առաջինն է, բայց՝ ոչ վերջինը: Գաղափարները շատ են, մեկը մյուսից գեղեցիկ ու անհավանական: Ինչպես նշում է Տ. Ալեքսանյանը, նախագիծը շարունակական է լինելու, արդեն աշխատանքային ընթացքի մեջ են հայտնի նկարիչների գործերը: Իսկ ցուցահանդես անպայման լինելու է, երբ բավականաչափ որակյալ, հետաքրքիր, գունեղ ու բովանդակալից աշխատանքներ կունենան:

 

639  Ընդամենը Դիտված, 6 Դիտվել է այսօր

13.02.20

640  Ընդամենը Դիտված, 7 Դիտվել է այսօր