Ճարտարապետության ԵՎ Շինարարության
Հայաստանի ազգային համալսարան

Եվրոպական հավատարմագրում ունեցող համալսարան

Ճարտարապետության ԵՎ Շինարարության
Հայաստանի ազգային համալսարան

Եվրոպական հավատարմագրում ունեցող համալսարան

ՃԱՐՏԱՐԱՊԵՏՈՒԹՅՈՒՆԸ ԵՎ ՇԻՆԱՐԱՐՈՒԹՅՈՒՆԸ՝ ԳԵՂԱՆԿԱՐԻ ԹԵՄԱ

Ուսանողներին քաջալերելու, նրանց աշխատանքները գովասանքի արժանացնելու լավագույն միջոցը բալային գնահատականը չէ, այլ՝ նրանց ստեղծագործությունների ցուցադրությունն ու հանրայնացումը:

Առողջ, բարենպաստ ու տրամադրող միջավայրում ստեղծագործելը երիտասարդ արվեստագետին մղում է բացահայտելու իր ներքին հնարավորությունները և նպաստում երևակայության ազատությանը: Այս համոզմունքով՝ Հայաստանի գեղարվեստի պետական ակադեմիայի կերպարվեստի ֆակուլտետի գեղանկարչության բաժնի՝ Էդուարդ Իսաբեկյանի անվան արվեստանոցի սաները, այս օրերին, «Ալբերտ և Թովէ Բոյաջյան» ցուցասրահում ներկայացնում են «Ճարտարապետություն և շինարարություն» խորագրով թեմատիկ ցուցահանդեսը:

Ցուցահանդեսն արդեն 2-րդ անգամ իրականություն է դառնում Ճարտարապետության և շինարարության Հայաստանի ազգային համալսարանի ռեկտոր Գագիկ Գալստյանի մտահղացմամբ, աջակցությամբ և անմիջական մասնակցությամբ: Նախորդը, որն անցկացվեց նախորդ տարի և կրում էր «Տրանսպորտ և առևտուր» խորագիրը, ունեցավ կատալոգային հրատարակություն: Կազմակերպիչները վստահ են, որ այս մեկն էլ, Գագիկ Գալստյանի աջակցությամբ, կունենա տպագիր վավերացում:

Ցուցահանդեսի մասնակից ուսանողներից մեկը, տպավորված ու ոգեշնչված էր, հատկապես, թեմայի ընտրությամբ, քանզի այն հնարավորություն է տվել անդրադառնալ այնպիսի այնպիսի առօրեական գործունեության, ինչպիսին շինարարությունն է և այնպիսի մնայուն արժեքների, ինչպիսին՝ ճարտարապետությունը: Ցուցադրության ևս մեկ առանձնահատկություններից էլ ցուցահանդեսում ղեկավարների աշխատանքների ներառումն է: Ակադեմիայի ռեկտոր Արամ Իսաբեկյանի և ավագ դասախոս Արթուր Հովհաննիսյանի աշխատանքների ներկայությունն ուսանողների համար որքան կարևոր, այնքան էլ հետաքրքիր է՝ սերունդների գեղարվեստական մտածողությունը, արտահայտությունների նմանություններն ու տարբերություններն շեշտադրելու համար:

Ողջունելով ցուցահանդեսի մասնակիցներին՝ ռեկտոր Գագիկ Գալստյանը զուգահեռներ տարավ Ճարտարապետության և շինարարության Հայաստանի ազգային համալսարանում պարբերաբար բացվող ցուցադրությունների միջև և հավանական համարեց ռեկտոր Արամ Իսաբեկյանի՝ համատեղ ցուցահանդես իրականացնելու գաղափարը:

1,247  Ընդամենը Դիտված, 5 Դիտվել է այսօր

17.10.19

1,248  Ընդամենը Դիտված, 6 Դիտվել է այսօր