ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

100-ամյա պատմություն ունեցող համալսարան

«ԶԳԱ՛ ԿԵՆՏՐՈՆԻ ՇՈՒՆՉԸ» ԼՈՒՍԱՆԿԱՐՆԵՐԻ ՑՈՒՑԱՀԱՆԴԵՍ-ՄՐՑՈՒՅԹ

«Հին և նոր #ԿենտրոնԵրևանը քո’ լուսանկարում» նախագծի շրջանակում կազմակերպված «Զգա Կենտրոնի շունչը» խորագիրը կրող լուսանկարների ցուցահանդեսի բացումն ու մրցույթի ամփոփումը կայացավ հունիսի 15-ին Կենտրոն վարչական շրջանի շենքի հարևանությամբ:

Մրցութային փուլ անցած ինքնատիպ լուսանկարները գնահատվեցին ժյուրիի կողմից և արժանացան ցուցահանդեսը դիտողների բարձր գնահատականին:

«Զգա Կենտրոնի շունչը» խորագիրը կրող լուսանկարների ցուցահանդես-մրցույթում Ճարտարապետության և շինարարության Հայաստանի ազգային համալսարանի դիզայն ֆակուլտետի 3-րդ կուրսի ուսանողուհի Մերի Գյոդակյանը զբաղեցրեց 3-րդ հորիզոնականը:

Ամփոփիչ միջոցառմանը վարչական շրջանի ղեկավար Սամվել Ղուկասյանի անունից շնորհակալագրեր հանձնվեցին մասնակիցներին, ինչպես նաև մեր համալսարանի Դիզայնի ֆակուլտետին լուսանկարների ցուցահանդես-մրցույթի մասնակցության և համագործակցության համար:

Միջոցառման ողջ ընթացքում իրենց անզուգական կատարումներով մայրաքաղաքի հյուրերին և հանդիսատեսին հիացրեցին և ոգևորեցին Ալ. Պուշկինի անվան հ.8 դպրոցի աշակերտները:

 471 просмотров всего,  1 просмотров сегодня

16.06.22

 472 просмотров всего,  2 просмотров сегодня