(010) 303-300

ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

100-ամյա պատմություն ունեցող համալսարան

Սեյսմակայուն հետազոտական և զարգացման միավոր

Սեյմակայունությանն առնչվող հետազոտական և զարգացման միավոր

Պատմություն

Մակեդոնիայի Կիրիլ և Մեթոդիուս համալսարանի Քաղաքաշինության ֆակուլտետի կողմից համակարգվող All4R&D Էրազմուս+ նախագծի շրջանակում, որի նպատակն է նպաստել հետազոտության, նորարարության, գիտելիքների և տեխնոլոգիաների փոխանցմանը Բոսնիայում և Հերցեգովինայում ու Հայաստանում   ռազմավարական, գիտակրթական և բիզնես համագործակցության խթանման միջոցով, հիմնվել է «Սեյմակայունությանն առնչվող հետազոտական և զարգացման միավոր» ՃՇՀԱՀ Կոնստրուկցիաների ամբիոնին կից:

Էրազմուս + All4R&D  նախագծի շրջանակում Ճարտարապետության և շինարարության Հայաստանի ազգային համալսարանը 2019թ. մարտ-ապրիլ ամիսներին հիմնել է «Սեյսմակայունությանն առնչվող հետազոտական և զարգացման միավոր», ինչպես նաև մշակվել է վերոնշյալ միավոր-լաբորատորիայի համար գործարար ծրագիր, իսկ ռազմավարական ծրագիրը ներկայումս գտնվում է մշակման փուլում: Ձեռք է բերվել սարքավորումներ և նախագծի ՃՇՀԱՀ թիմ-անդամների կողմից իրականացվել են Հետազոտական ու զարգացման միավորի լրացուցիչ և շարունակական կրթության մաս հանդիսացող դասընթացներ՝

  • Շենքերի վերակառուցումը և դրանց սեյսմակայունությունը –  Հովհաննես Ավագյան /դասավանդող/,
  • Ձեռներեցություն ճարտարագետների համար– Գոհար Ավետիսյան /դասավանդող/,
  • Ռազմավարական Կառավարում  – Գոհար Ավետիսյան /դասավանդող/,
  • Էներգոխնայողությունը կայուն շինարարության մեջ– Լիլիթ Ամիրյան և Աննա Գրիգորյան /դասավանդողներ/,
  • Շինարարության մոնիտորինգի կազմակերպում– Մհեր Մարկոսյան և Ազատ Սմբատյան /դասավանդողներ/
  • Իրերի համացանցը (Internet of Things) – Ազատ Սմբատյան և Ռուզաննա Սարգսյան /դասավանդողներ/

 

Նորարարական ուսուցման պրակտիկա/

Նորարարական ծառայությունների նպատակն է ուսանողներին և շրջանավարտներին հնարավորություն ընձեռել աշխատել և համագործակցել բիզնեսի մասնագետների հետ և ընդլայնել հմտությունները:

Իմացեք ավելին այս հնարավորության մասին հետևյալ հղումով:

 Links in Facebook, Twitter, Linkedin :

Լրացուցիչ տեղեկությունների համար այցելեք հետևյալ հղմամբ:

 

ՃՇՀԱՀ հետազոտական և զարգացման միավորի կողմից ներկայումս իրականացվում են հետազոտական նախագծեր.

ա/ Երկաթբետոնե շենքերի կափույրների սեյսմակայունության արդյունավետությունը թեմայով հետազոտական նախագիծ /ՃՇՀԱՀ Կոնստրուկցիաների ամբիոն, Հետազոտական նախագծի ղեկավարներ՝ Տիգրան Դադայան, Լուսինե Կարապետյան/

 բ/ Ջրամբարների պատնեշների վիճակի մոնիտորինգի համար համապատասխան ահազանգման համակարգի նախագծում /ԵրԿՄԳԻ, Հետազոտական նախագծի ղեկավարներ Մհեր Մարկոսյան, Ազատ Սմբատյան/: