Ջերմագազամատակարարման և օդափոխության ամբիոնին կից Հովացման և ջեռուցման ֆրեոնային կենտրոնացված մուլտիզոնային համակարգերի լաբորատորիայում տեղակայված համակարգերը և սարքերը ունեն կարևոր ուսուցողական-ցուցադրական նշանակություն։ Լաբորատորիայում ներդրված ջեռուցման, հովացման համակարգերը գտնվում են լիարժեք աշխատանքային ռեժիմում: Գործող համակարգերի ուսումնասիրությունը ուսանողներին հնարավորություն է տալիս ծանոթանալ կատարվող պրոցեսների առանձնահատկություններին, ինքնուրույն կատարել փորձարկումներ, զանազան չափումներ ու կարգավորումներ: Լաբորատորիան տեղակայված է համալսարանի գլխավոր մասնաշենքի 2034 լսարանում: Լաբորատորիայում ցուցադրված օդի կոնդիցիոնացման ֆրեոնային VRF համակարգի ստենդը և բակում գտնվող արտաքին սարքերը նվիրաբերվել են «Միցուբիշի» ընկերության կողմից։ Տեղակայված համակարգը շահագործվում է ապահովելով ոչ միայն տվյալ լսարանի, այլև համալսարանի մի քանի այլ շենքերի ջեռուցումն ու հովացումը: Ստեդը համալրված է կառավարման մի քանի տեսակի սարքերով, որոնք և՛ ուսուցողական, և՛ ֆունկցիոնալ նշանակություն ունեն, ապահովում են տարբեր շենքերի միկրոկլիմայական պահանջները:
