(010) 303-300
ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ
100-ամյա պատմություն ունեցող համալսարան
Հայկականը միշտ նորաձև է, միշտ գեղեցիկ ու մշտական ոգեշնչման առարկա: Ճարտարապետության և շինարարության Հայաստանի ազգային համալսարանի Ուսանողական խորհրդի մշակութային հանձնաժողովն այսօր կազմակերպել էր ցուցահանդես-վաճառք՝ նվիրված Երևանի 2800 ամյակին:
«Ճանաչիր հայկականը» խորագիրը պատահական չէր: Հայեցի էր ամեն ինչ՝ գույները, գծերը, զարդերն ու զարդանախշերը: Եվ այս ամենը, իհարկե, համեմված ազգային երգ ու պարով:
Ցուցահանդեսին ներկա էին ՃՇՀԱՀ-ի ռեկտոր Գագիկ Գալստյանը, դասախոսներ և ուսանողներ: Ռեկտոր Գալստյանը կազմակերպիչներին ու մասնակիցներին շնորհավորեց ցուցահանդեսի բացման առթիվ, և հորդորեց ապահովել հայկականը խթանող նմանատիպ նախաձեռնության շարունակականությունը:
Ի դեպ՝ ցուցահանդես-վաճառքից գոյացած գումարը կնվիրաբերվի մանկատներին:
