ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

2024-2025 ՈւՍՈւՄՆԱԿԱՆ ՏԱՐՎԱ ԸՆԴՈւՆԵԼՈւԹՅԱՆ (ԸՍՏ ԲԱԿԱԼԱՎՐԻԱՏԻ Ու ԱՆԸՆԴՀԱՏ ԵՎ ԻՆՏԵԳՐԱՑՎԱԾ ԿՐԹԱԿԱՆ ԾՐԱԳՐԵՐԻ) ՆԵՐԲՈւՀԱԿԱՆ` «ԳԾԱՆԿԱՐ» ՔՆՆԱԿԱՆ ԱՌԱՐԿԱՅԻ ՄԱՍՆԱԳԻՏԱԿԱՆ ԾՐԱԳՐԵՐԸ, ՔՆՆԱԿԱՆ ԱՌԱՋԱԴՐԱՆՔՆԵՐԸ ԵՎ ԳՆԱՀԱՏՄԱՆ ՉԱՓԱՆԻՇՆԵՐԸ 

 

ՄԱՍՆԱԳԻՏՈւԹՅՈւՆՆԵՐ 

021201.00.6 - «Դիզայն» 

Վերոնշյալ մասնագիտություններով «Գծանկար»  առարկայի ընդունելության քննությունների քննական առաջադրանքները և գնահատման չափանիշները:  

ԳԾԱՆԿԱՐ (Դ 

«Գծանկար» առարկայի քննությունը նպատակ ունի ստուգելու և գնահատելու դիմորդի ծավալատարածական ընկալման և վերապատկերման ունակությունները, կատարման տեխնիկան, հաշվի առնելով գծանկարի առաջադրանքի կատարման քննական պահանջները` 

 ԳԾԱՆԿԱՐ 

021201.00.6 «Դիզայն» մասնագիտության դիմորդները նկարում են դեկորատիվ գիպսե հարթաքանդակով (խաղողի տերևներով, բուսական տարրով կամ խնձորով) և կուժով ու կտորով պարզ նատյուրմորտ համաձայն Ձև 1-ի: 

Գիպսե դիմաքանդակի և հարթաքանդակի ընտրությունը կատարվում է վիճակահանությամբ: 

Դիմորդների նստատեղերի ընտրությունը, ըստ համարակալման, նույնպես կատարվում է վիճակահանությամբ: 

Առաջադրանքի կատարման համար տրվում է` 

021201.00.6 «Դիզայն» մասնագիտության համար 6 ժամ, (180 րոպե + 60 րոպե ընդմիջում + 180 րոպե): 

Առաջադրանքը կատարվում է A2 ձևաչափի գծագրական թղթի վրա (վատման)` տարբեր կոշտության գրաֆիտե սև մատիտներով:  

Քննական առաջադրանքը ներառում է հետևյալ բաղադրիչները՝  

• Թղթի վրա դիմաքանդակի և նատյուրմորտի չափի ճիշտ ընկալում, տեղադրում և կառուցում, 
• Կառուցման խնդիրների լուծում` հաշվի առնելով առարկաների ձևաստեղծման, համաչափությունները  և մասշտաբային ճշտությունը: 
• Լուսաստվերների ճիշտ կատարման շնորհիվ պատկերի ծավալային մշակում և գծանկարի կատարման որակի ապահովում: 

• Տոնայնության և նյութականության վերարտադրություն. կատարման տեխնիկայի և հնարքների հմուտ կիրառում: 
• Սահմանված ժամկետում նյութի գրագետ կիրառմամբ քննական պահանջները բավարարող ավարտուն աշխատանքի կատարում,   

Առաջադրանքի գնահատման չափանիշներն են՝ 

1. Գիպսե դիմաքանդակի կամ նատյուրմորտի օպտիմալ չափն ու տեղադրումը A2 ձևաչափի թղթի վրա – 0-5 միավոր: 

1. Գիպսե դիմաքանդակի և նատյուրմորտի համաչափությունները և կառուցումը – 0-5 միավոր: 

1. Գծանկարի կատարման գրաֆիկական և տեխնիկական հմտությունները – 0-5 միավոր: 

1. Լույսի և ստվերի մշակումով առարկաների ծավալային ընկալման և նյութի արտահայտման հմտությունը – 0-5 միավոր: 

 

Նախապես ծածկագրված քննական աշխատանքները ստուգվում և գնահատվում են հանձնաժողովի բոլոր անդամների կողմից առանձին-առանձին, այնուհետև միջինացվում: 

Դրական են համարվում 8.0 և բարձր միավորները (համաձայն ՀՀ կառավարության 2022 թվականի ապրիլի 7-ի N 476-Ն որոշման). գնահատման միավորները նշանակվում են հարյուրերորդական մասի պահպանումով: 

 Ընդամենը՝ 20 միավոր 

  Ձև 1 

«Դիզայն» մասնագիտության համար 

 «Գծանկար» քննական առարկայի վիճակագրությամբ ընտրվող 

դեկորատիվ հարթաքանդակներ 

1. Քննական նատյուրմորտի օրինակներ տարբեր հարթաքանդակներով՝ կճուճով և կտորով
(«Դիզայն» մասնագիտություն)

ա) Խաղողի տերևներով նատյուրմորտ	բ) Բուսական տարրով նատյուրմորտ	գ) Խնձորով նատյուրմորտ

 

«Գծագրություն» առարկայի շտեմարան

«Գծագրություն» առարկայի քննական թեստերի օրինակներ

2024-2025 ՈւՍՈւՄՆԱԿԱՆ ՏԱՐՎԱ ԸՆԴՈւՆԵԼՈւԹՅԱՆ (ԸՍՏ ԲԱԿԱԼԱՎՐԻԱՏԻ Ու ԱՆԸՆԴՀԱՏ ԵՎ ԻՆՏԵԳՐԱՑՎԱԾ ԿՐԹԱԿԱՆ ԾՐԱԳՐԵՐԻ) ՆԵՐԲՈւՀԱԿԱՆ` «ԳԾԱԳՐՈւԹՅՈւՆ»  ՔՆՆԱԿԱՆ ԱՌԱՐԿԱՅԻ ՄԱՍՆԱԳԻՏԱԿԱՆ ԾՐԱԳՐԵՐԸ, ՔՆՆԱԿԱՆ ԱՌԱՋԱԴՐԱՆՔՆԵՐԸ ԵՎ ԳՆԱՀԱՏՄԱՆ ՉԱՓԱՆԻՇՆԵՐԸ

 

ՄԱՍՆԱԳԻՏՈւԹՅՈւՆՆԵՐ

021201.00.6 - «Դիզայն»

Վերոնշյալ մասնագիտություններով «Գծագրություն»  առարկայի ընդունելության քննությունների քննական առաջադրանքները և գնահատման չափանիշները:

ԳԾԱԳՐՈւԹՅՈւՆ

«Գծագրություն» առարկայի քննությունը նպատակաուղղված է ստուգելու դիմորդների գրաֆիկական աշխատանքների կատարման ունակությունները, ծավալատարածական ընկալման և պատկերման մակարդակը: Քննական տոմսերն ընդգրկում են երկու բաժիններ՝ պրոյեկցիոն գծագրություն և երկրաչափական կառուցման խնդիրներ, որոնցում լուսաբանվում են հետևյալ թեմաները.

• Պրոյեկտման մեթոդներ, ուղղանկյուն և զուգահեռ պրոյեկցիաներ,
• Երկրաչափական մարմինների համալիր գծագրերի և աքսոնոմետրիկ պրոյեկցիաների կառուցման կանոններ,
• Գծագրերի ձևավորման ստանդարտ կանոններ,
• Երկրաչափական կառուցման հիմնական խնդիրներ: Լծորդումներ և հարթ շրջագծերի կառուցում,
• Հատույթներ և կտրվածքներ:

Առաջադրանքի և դիմորդների նստատեղերի ընտրությունը կատարվում է վիճակահանությամբ: Քննության համար տրվում է 4 ժամ (240 րոպե): Առաջադրանքը կատարվում է A2 ձևաչափի գծագրական թղթի վրա:

Քննական տոմսերում ներառված են հետևյալ երկու խնդիրները՝

• Տրված են հանույթներով և հատույթներով մարմնի երկու պրոյեկցիաները: Պահանջվում է կառուցել նրա երրորդ պրոյեկցիան և աքսոնոմետրիան՝ տալով բոլոր անհրաժեշտ կտրվածքները:
• Կառուցել առաջադրված հարթ շրջագիծը, որը ներառում է լծորդման խնդիրներ:

ԱՌԱՋԱԴՐԱՆՔԻ ԳՆԱՀԱՏՄԱՆ ՉԱՓԱՆԻՇՆԵՐ

Առաջին առաջադրանքը բաժանվում է բաղադրիչների և գնահատվում  հետևյալ կերպ.

• Առաջադրված պրոյեկցիաների կառուցումը կտրվածքներով` 4 (չորս) միավոր,
• Բացակայող պրոյեկցիայի կառուցումը կտրվածքով` 4 (չորս) միավոր,
• Աքսոնոմետրիայի կառուցումը հանվածքով` 6 (վեց) միավոր,
• Երկրորդ առաջադրանքը բաժանվում է հետևյալ բաղադրամասերի՝ լծորդման խնդիրներ՝ 4 (չորս) միավոր, չափադրում՝ 1 (մեկ) միավոր:
• Ընդհանուր աշխատանքի գրաֆիկական կատարման որակի և ստանդարտների պահպանման համար` 1 (մեկ) միավոր, (ընդամենը՝ 20 միավոր):

Նախապես ծածկագրված քննական աշխատանքներն ստուգվում և գնահատվում են հանձնաժողովի անդամների կողմից: Դրական են համարվում 8.0 և բարձր միավորները (համաձայն ՀՀ կառավարության 2022 թվականի ապրիլի 7-ի N 476-Ն որոշման). գնահատման միավորները նշանակվում են հարյուրերորդական մասի պահպանումով, այնուհետև` միջինացվում:

Ընդամենը՝ 20 միավոր

«Կոմպոզիցիա» առարկայի ուղեցույցի թարմացված տարբերակ, քննական երկրաչափական մարմինների ցանկ և կատարված աշխատանքի  երկու օրինակ: 

 

2024-2025 ՈւՍՈւՄՆԱԿԱՆ ՏԱՐՎԱ ԸՆԴՈւՆԵԼՈւԹՅԱՆ (ԸՍՏ ԲԱԿԱԼԱՎՐԻԱՏԻ Ու ԱՆԸՆԴՀԱՏ ԵՎ ԻՆՏԵԳՐԱՑՎԱԾ ԿՐԹԱԿԱՆ ԾՐԱԳՐԵՐԻ) ՆԵՐԲՈւՀԱԿԱՆ` «ԿՈՄՊՈԶԻՑԻԱ» ՔՆՆԱԿԱՆ ԱՌԱՐԿԱՅԻ ՄԱՍՆԱԳԻՏԱԿԱՆ ԾՐԱԳՐԵՐԸ, ՔՆՆԱԿԱՆ ԱՌԱՋԱԴՐԱՆՔՆԵՐԸ ԵՎ ԳՆԱՀԱՏՄԱՆ ՉԱՓԱՆԻՇՆԵՐԸ

 

ՄԱՍՆԱԳԻՏՈւԹՅՈւՆ

021201.00.6 - «Դիզայն»

Վերոնշյալ մասնագիտություններով «Կոմպոզիցիա»  առարկայի ընդունելության քննությունների քննական առաջադրանքները և գնահատման չափանիշները:

Քննական առաջադրանք   -   երկրաչափական մարմինների կառուցմամբ և կիրառմամբ ստեղծել համակցված   ծավալատարածական կոմպոզիցիա՝ նկարչական հեռանկարի  կամ աքսոնոմետրիկ կառուցման սկզբունքով և լուսաստվերային մշակմամբ: Վիճակահանության սկզբունքով թվով 10 (տաս) երկրաչափական  մարմիններից  /խորանարդ, գլան, գունդ, կոն, քառանկյուն բուրգ, վեցանկյուն պրիզմա, ուղղանկյուն պրիզմա, սալիկ՝ քառանկյուն, սալիկ՝  վեցանկյուն, տափօղակ,/, ընտրվում է 5 (հինգ) երկրաչափական մարմին:

Նյութ   -   աշխատանքը կատարվում է A3 ձևաչափի գծագրական թղթի վրա   (վատման)՝ գրաֆիտե սև մատիտով: Թույլատրվում է գծագրական գործիքների կիրառումը:

Նպատակ   -   ստուգել և գնահատել դիմորդի ստեղծագործական  ունակությունները՝ կոմպոզիցիոն մտահղացման,  երկրաչափական մարմինների համակցմամբ ծավալատարածական և հեռանկարային ընկալման կարողությունները, գրաֆիկական միջոցներով այն ներկայացնելու հմտությունը:

 

Քննական խնդիրներ և պահանջներ -

• Թղթի վրա գրագետ տեղադրում՝ հաշվի առնելով տեղադրվող պատկերի համաչափությունները:
• Ապահովել երկրաչափական մարմինների գրագետ կառուցումը և կոմպոզիցիայի մշակումը՝ կիրառելով նկարչական հեռանկարի սկզբունքը:
• A3 ձևաչափի թղթի վրա պահպանել տարբեր մարմինների համատեղ կիրառման օրինաչափությունները՝ ապափովելով համակցման և ընկալման հնարավորություները:
• Կատարել առաջադրանքի լուսաստվերային մշակում՝ գծանկարի շտրիխային տեխնիկայով:
• Պայմանական լույսի աղբյուրը ընտրվում է ինքնուրույն /կամայական/:
• Աշխատանքում կիրառել վերադրման և մեկ մարմինը մյուսով հատման սկզբունքը:
• Ծավալային կոմպոզիցիայի դիտման կետն ընտրվում է հեղինակի հայեցողությամբ:
• Վիճակահանության սկզբունքով ընտրված թվով 5 (հինգ) երկրաչափական մարմիները կոմպոզիցիոն առաջարկում պարտադիր է կիրառել յուրաքանչյուրը 2 և ավել անգամ:
• Համակցված երկրաչափական մարմինները ենթարկել ձևաստեղծման ռելիեֆային փոփոխությունների մասնատման և հանման մեթոդներով:

Աշխատանքի կատարման համար տրվում է 4 ժամ (240 րոպե)՝ առանց ընդմիջման:

Աշխատանքի գնահատման համար կարևորվում է ներկայացված պահանջների ապահովումը:

Նախապես ծածկագրված քննական աշխատանքը ստուգվում և գնահատվում է քննական հանձնաժողովի բոլոր անդամների կողմից անհատապես, այնուհետև ստացված գումարային միավորը միջինացվում է 20.00 (քսան) միավորի սահմանում: Դրական են համարվում 08.00 (ութ) և բարձր միավորները (համաձայն ՀՀ կառավարության 2022 թվականի ապրիլի 7-ի № 476-ի որոշման), գնահատման միավորները նշանակվում են հարյուրերորդական մասի պահպանմամբ:

 

Քննական աշխատանքի գնահատման չափանիշներ

 

 

№	Հիմնական չափանիշներ	№	Պարամետրեր	Միավորներ
1.	Կոմպոզիցիոն լուծում	1	Տրված ձևաչափում պատկերի գրագետ տեղադրում	5	20
		2	Կոմպոզիցիոն լուծման ամբողջականության ապահովում
		3	Կոմպոզիցիոն մտահղացման ինքնատիպություն և կերպարայնություն
		4.	Վերադրման և մեկ մարմինը մյուսով հատման սկզբունքի կիրառում և ռելիեֆային փոփոխում
2.	Կառուցում	1.	Օգտագործվող երկրաչափական մարմինների գրագետ կառուցում՝ համակցման, հանման և մասնատման մեթոդով	5
		2.	Նկարչական հեռանկարի պահանջների պահպանում և երկրաչափական մարմինների փոխկապակցում տարածության մեջ
		3.	Երկրաչափական մարմինների ծավալային արտահայտում՝ լուսաստվերային հակադրության միջոցով
		4.	Կոմպոզիցիոն էլեմենտների համակցման մասշտաբային ընկալում
3.	Կատարողական հմտություններ	1.	Լուսաստվերային մշակում	5
		2.	Նկարչական հեռանկարի հմտության տիրապետում
		3.	Երկրաչափական մարմնի ծավալի արտահայտումը գծանկարի շտրիխային տեխնիկայով
		4.	Երկրաչափական մարմինների նկարչական կառուցման գծային թույլ արտահայտում
4.	Աշխատանքի ամփոփում	1.	Աշխատանքի արտահայտչականություն և ամբողջականություն	5
		2.	Գրաֆիկական տեխնիկայի հմտություն
		3.	Աշխատանքի ավարտվածություն և մատուցում
		4.	Առաջադրանքի կատարման քննական պահանջների ապահովում

 

 

 

 

Գիտելիքի, ստեղծագործական կարողությունների թեստ (ԳՍԿԹ):

 

ՃԱՐՏԱՐԱՊԵՏՈւԹՅԱՆ  ԵՎ  ՇԻՆԱՐԱՐՈւԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆԻ

2024-2025 ՈւՍՈւՄՆԱԿԱՆ ՏԱՐՎԱ ԸՆԴՈւՆԵԼՈւԹՅԱՆ (ԸՍՏ ԲԱԿԱԼԱՎՐԻԱՏԻ Ու ԱՆԸՆԴՀԱՏ ԵՎ ԻՆՏԵԳՐԱՑՎԱԾ ԿՐԹԱԿԱՆ ԾՐԱԳՐԵՐԻ) ՆԵՐԲՈւՀԱԿԱՆ` ԳԻՏԵԼԻՔԻ, ՍՏԵՂԾԱԳՈՐԾԱԿԱՆ ԿԱՐՈՂՈՒԹՅՈՒՆՆԵՐԻ ԹԵՍՏԻ («ԳՍԿԹ»)  ՔՆՆԱԿԱՆ ԱՌԱՐԿԱՅԻ ՄԱՍՆԱԳԻՏԱԿԱՆ ԾՐԱԳՐԵՐԸ, ՔՆՆԱԿԱՆ ԱՌԱՋԱԴՐԱՆՔՆԵՐԸ ԵՎ ԳՆԱՀԱՏՄԱՆ ՉԱՓԱՆԻՇՆԵՐԸ

 

ՄԱՍՆԱԳԻՏՈւԹՅՈւՆ

«073101.00.6 - Ճարտարապետություն»

 

Գիտելիքի, ստեղծագործական կարողությունների թեստի կառուցվածքը

Թեստը կազմված է 3 հիմնական գիտակարգերից․

1. Մաթեմատիկա և տրամաբանություն,
2. Արվեստ և ճարտարապետություն,
3. Գծագրություն:

1.  «Մաթեմատիկա և տրամաբանություն» գիտակարգը ներառում է հետևյալ բաժինները․ 

1. Հանրահաշիվ, 
2. Երկրաչափություն, 
3. Տրամաբանություն։  

 

1. «Հանրահաշիվ».

• Գործողություններ բնական թվերի հետ: Բաժանելիության հայտանիշները: Պարզ և բաղադրյալ թվեր: Ամենամեծ ընդհանուր բաժանարար: Ամենափոքր ընդհանուր բազմապատիկ: Ամբողջ թվերի համեմատում: Գործողություններ ամբողջ թվերի հետ:
• Կոտորակներ: Սովորական կոտորակներ: Անկանոն և կանոնավոր կոտորակներ: Կոտորակների համեմատում: Կոտորակների գումարում և հանում: Կոտորակների բազմապատկում և բաժանում: Տասնորդական կոտորակներ: Տասնորդական կոտորակների համեմատում:  Տասնորդական կոտորակների գումարում և հանում: Տասնորդական կոտորակների բազմապատկում և բաժանում: Տասնորդական կոտորակի վերածումը սովորական կոտորակի և հակառակը: 
• Ռացիոնալ թվերի համեմատում: Ռացիոնալ թվերի բազմապատկում և բաժանում:
• Թվի աստիճան, թվի արմատ: Թվի բացարձակ արժեք:
• Իրական թվի n-րդ աստիճանի արմատը: n-րդ աստիճանի արմատի հատկություններ: Իրական թվի ռացիոնալ ցուցիչով աստիճան: Իրական թվի իռացիոնալ ցուցիչով աստիճան:
• Կրճատ բազմապատկման բանաձևեր:
• Մասշտաբ: Հարաբերություն: Համեմատություն: Մաս: Տոկոս:
• Հավասարումներ և անհավասարումներ: Գծային երկանդամ: Գծային հավասարումներ և անհավասարումներ: Քառակուսային եռանդամ: Քառակուսային հավասարումներ և անհավասարումներ:
• Միջին թվաբանական և միջին երկրաչափական:
• Միացությունների տեսության տարրեր: Կարգավորություններ: Տեղափոխություններ: Զուգորդություններ:
• Ֆունկցիաներ: Ֆունկցիաների գրաֆիկներ: Տարրական ֆունկցիաներ, դրանց գրաֆիկներ: Հակադարձ ֆունկցիա, հակադարձ ֆունկցիայի գրաֆիկ: Ֆունկցիայի գրաֆիկի ձևափոխություններ: Երկու փոփոխականով գծային հավասարման գրաֆիկ: Երկու փոփոխականով գծային հավասարումների համակարգերի լուծման գրաֆիկական եղանակ:

 

2. «Երկրաչափություն»․ 

    2.1 Հարթաչափություն

• Զուգահեռ ուղիղներ: Երկու ուղիղների զուգահեռության հայտանիշներ:
• Եռանկյուններ։ Եռանկյան միջնագծեր, կիսորդներ և բարձրություններ։ Եռանկյունների հավասարության հայտանիշներ: Հատվածի միջնուղղահայաց և անկյան կիսորդ: Ուղղանկյուն եռանկյուն: Պյութագորասի թեորեմ։ Առնչություններ ուղղանկյուն եռանկյան կողմերի և անկյունների միջև։ Առնչություններ եռանկյան կողմերի և անկյունների միջև։ Եռանկյան անհավասարություն: Եռանկյան չորս նշանավոր կետեր։ Եռանկյան միջին գիծ։ Թալեսի թեորեմ: Նման եռանկյուններ։ Եռանկյունների նմանության հայտանիշներ։ Նման եռանկյունների հատկություններ։ 
• Բազմանկյուններ։ Ուռուցիկ բազմանկյուն։ Քառանկյուն: Զուգահեռագիծ։ Ուղղանկյուն: Շեղանկյուն: Քառակուսի: Բազմանկյան մակերես։ Ուղղանկյան մակերես: Քառակուսու մակերես: Զուգահեռագծի մակերես: Շեղանկյան մակերես: Եռանկյան մակերես: Սեղանի մակերես: Քառանկյան մակերես: Եռանկյան մակերեսի, կողմերի և արտագծյալ շրջանագծի կապ: Սինուսների և կոսինուսների թեորեմներ։ Հերոնի բանաձև: Սեղան։ Սեղանի միջին գիծ: 
• Շրջանագիծ։ Շրջանագծի շոշափող: Կենտրոնային և ներգծյալ անկյուններ։ Շրջանագծի հավասարում։ Շրջանագծի երկարություն։ Շրջանագծի աղեղի երկարություն: Հատվող լարերի հատկություն: Շրջանի, սեկտորի և սեգմենտի մակերեսները։ Ներգծյալ և արտագծյալ շրջանագծեր:
• Կանոնավոր բազմանկյուններ։ Կանոնավոր բազմանկյանն արտագծած և ներգծած շրջանագիծ: Կանոնավոր բազմանկյան մակերեսի, նրա կողմերի և ներգծած շրջանագծի շառավղի հաշվման բանաձևեր:

2․2 Տարածաչափություն 

• Երկու ուղիղների փոխադարձ դիրքը տարածության մեջ: Երկու ուղիղների կազմած անկյուն: Ուղղահայաց և թեք, ուղղի և հարթության կազմած անկյուն, երեք ուղղահայացների թեորեմ: Երկնիստ անկյուն: 
• Բազմանիստեր։ Պրիզմա: Պրիզմայի լրիվ և կողմնային մակերևույթի մակերես: Քառանիստ: Զուգահեռանիստ: Ուղղանկյունանիստ: Բուրգ: Կանոնավոր բուրգ: Հատած բուրգ:
• Պտտական մարմիններ։ Գլան: Կոն: Գունդ: Գլանի մակերևույթի մակերես: Կոնի մակերևույթի մակերես: Հատած կոն: Գնդային մակերևույթի մակերես:
• Մարմինների ծավալներ: Ուղղանկյունանիստի ծավալ: Ուղիղ պրիզմայի ծավալ: Գլանի ծավալ: Բուրգի ծավալ: Կոնի ծավալ: Գնդի ծավալ: 

3.  «Տրամաբանություն».

Նպատակն է ստուգել դիմորդի դատողություններ անելու և վերլուծական հմտություն ցուցաբերելու կարողության մակարդակը։

Կազմված է օրինաչափությունները բացահայտելու, վերլուծելու, տարածական հարաբերությունները, կառուցվածքային սկզբունքները և նախագծման սահմանափակումները հասկանալու հարցերից:

   II. «Արվեստ և ճարտարապետություն» գիտակարգը ներառում է հետևյալ բաժինները․ 

1. Արվեստի և ճարտարապետության հայկական օրինակներ,
2. Արվեստի և ճարտարապետության համաշխարհային օրինակներ,
3. Ճարտարապետական խնդիրներ,
4. Ճարտարապետական տեքստի ընկալում։

      1.Արվեստի և ճարտարապետության հայկական օրինակներ.

•  Հայկական ճարտարապետական հանրաճանաչ կառույցներ (հանրային և բնակելի կառույցներ, հրապարակներ, վանքային համալիրներ, հուշարձաններ և այլն): Ճարտարապետական կառույցների ժամանակագրություն, տեղադիրք և հեղինակի մասին տվյալների իմացություն:

      2. Արվեստի և ճարտարապետության համաշխարհային օրինակներ.

•  Համաշխարհային ճարտարապետական հանրաճանաչ կառույցներ (հանրային և բնակելի կառույցներ, հրապարակներ, վանքային համալիրներ, հուշարձաններ և այլն): Ճարտարապետական կառույցների ժամանակագրություն, տեղադիրք և հեղինակի մասին տվյալների իմացություն:

       3. Ճարտարապետական խնդիրներ.  

• Ճարտարապետական կառույցների եռաչափ, սխեմատիկ և հատակագծային պատկերներ, ճարտարապետական միջավայրի հեռանկարներ համեմատելու կարողություններ, տեսողական և տրամաբանական ընկալման խնդիրներ վերլուծելու հմտություններ:

      4. Ճարտարապետական տեքստի ընկալում.

• Ճարտարապետության վերաբերյալ տեքստեր և պարբերականներ ընկալելու և հարցերին պատասխանելու հմտություններ:

     III «Գծագրություն» գիտակարգը ներառում է հետևյալ բաժինները.

1. Լծորդում
2. Աքսոնոմետրիա, հատույթ, պրոյեկցիա

 

1. Լծորդում

Նպատակաուղղված է ստուգելու դիմորդների` ուղղի և շրջանագծի, ինչպես նաև երկու շրջանագծերի շոշափման երկրաչափական օրինաչափություններով խնդիրների կատարման ունակությունները։ Լծորդման բաժնի խնդիրները ենթադրում են․ 

• Շրջանագծին շոշափող ուղղի կառուցում,
• Երկու շրջանագծերին շոշափող ուղղի կառուցում,
• Տրված երկու գծերին շոշափող և տրված շառավղով շրջանագծի կառուցում,
• Երկու գծերին շոշափող շրջանագծի կառուցում, եթե տրված է շոշափման կետերից մեկը։

 

 

2. Աքսոնոմետրիա, հատույթ, պրոյեկցիա 

Նպատակաուղղված է ստուգելու դիմորդների՝ գրաֆիկական աշխատանքների կատարման ունակությունները, ծավալատարածական ընկալման և պատկերման մակարդակը։ 

• Երկրաչափական կառուցման հիմնական խնդիրներ, կառուցման գծերի տարբերություններ
• Պրոյեկտման մեթոդներ, ուղղանկյուն և զուգահեռ պրոյեկցիաներ,
• Երկրաչափական մարմինների համալիր գծագրերի և աքսոնոմետրիկ պրոյեկցիաների կառուցման կանոններ,
• Հատույթներ և կտրվածքեր։
• «Հատույթներ և կտրվածքներ» բաժնի խնդիրները ենթադրում են․ 
• Կտրել հարթությունը՝ առարկան բաժանելով երկու մասի։ 
• Ընտրել կտրող հարթությանն ուղղահայաց դիտման ուղղություններից մեկը։ 
• Մտովի հեռացնել առարկայի այն մասը, որը դասավորված է դիտողի և կտրող հարթության միջև։ 

Առաջադրանքի առաջին հատվածի արդյունքները լրացվում են ձևաթղթում (Հավելված 1), իսկ երկրորդ՝ «Գծագրություն» բաժնի առաջադրանքը կատարվում է A2 ձևաչափի գծագրական թղթի վրա։ 

Թեստի ամբողջական կատարման և ձևաչափի լրացման համար սահմանվել է 4 աստղաբաշխական ժամ՝ (240 րոպե):

Թեստը գնահատվում է 20 միավոր, որը բաշխվում է հետևյալ կերպ․ 

Աղյուսակ 1. Թեստի բաժինների գնահատումը

Հ/Հ	Գիտակարգ/բաժին	Հարցերի քանակ	Միավոր
1	Մաթեմատիկա և տրամաբանություն	15	7,5
1․1	Հանրահաշիվ	4	2
1․2	Երկրաչափություն	8	4
1․3	Տրամաբանություն	3	1,5
2	Արվեստ և ճարտարապետություն	11	5,5
2․1	Արվեստի և ճարտարապետության հայկական օրինակներ	3	1,5
2․2	Արվեստի և ճարտարապետության համաշխարհային օրինակներ	3	1,5
2․3	Ճարտարապետական խնդիրներ	3	1,5
2․4	Ճարտարապետական տեքստի ընկալում	2	1
3	Գծագրություն	2	7
3․1	Լծորդում	1	3
3․2	Աքսոնոմետրիա, հատույթ, պրոյեկցիա	1	4
	Ընդհանուր	28	20