ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

2024-2025 ՈւՍՈւՄՆԱԿԱՆ ՏԱՐՎԱ ԸՆԴՈւՆԵԼՈւԹՅԱՆ (ԸՍՏ ԲԱԿԱԼԱՎՐԻԱՏԻ Ու ԱՆԸՆԴՀԱՏ ԵՎ ԻՆՏԵԳՐԱՑՎԱԾ ԿՐԹԱԿԱՆ ԾՐԱԳՐԵՐԻ) ՆԵՐԲՈւՀԱԿԱՆ` «ԳԾԱՆԿԱՐ» ՔՆՆԱԿԱՆ ԱՌԱՐԿԱՅԻ ՄԱՍՆԱԳԻՏԱԿԱՆ ԾՐԱԳՐԵՐԸ, ՔՆՆԱԿԱՆ ԱՌԱՋԱԴՐԱՆՔՆԵՐԸ ԵՎ ԳՆԱՀԱՏՄԱՆ ՉԱՓԱՆԻՇՆԵՐԸ 

 

ՄԱՍՆԱԳԻՏՈւԹՅՈւՆՆԵՐ 

021201.00.6 - «Դիզայն» 

Վերոնշյալ մասնագիտություններով «Գծանկար»  առարկայի ընդունելության քննությունների քննական առաջադրանքները և գնահատման չափանիշները:  

ԳԾԱՆԿԱՐ (Դ 

«Գծանկար» առարկայի քննությունը նպատակ ունի ստուգելու և գնահատելու դիմորդի ծավալատարածական ընկալման և վերապատկերման ունակությունները, կատարման տեխնիկան, հաշվի առնելով գծանկարի առաջադրանքի կատարման քննական պահանջները` 

 ԳԾԱՆԿԱՐ 

021201.00.6 «Դիզայն» մասնագիտության դիմորդները նկարում են դեկորատիվ գիպսե հարթաքանդակով (խաղողի տերևներով, բուսական տարրով կամ խնձորով) և կուժով ու կտորով պարզ նատյուրմորտ համաձայն Ձև 1-ի: 

Գիպսե դիմաքանդակի և հարթաքանդակի ընտրությունը կատարվում է վիճակահանությամբ: 

Դիմորդների նստատեղերի ընտրությունը, ըստ համարակալման, նույնպես կատարվում է վիճակահանությամբ: 

Առաջադրանքի կատարման համար տրվում է` 

021201.00.6 «Դիզայն» մասնագիտության համար 6 ժամ, (180 րոպե + 60 րոպե ընդմիջում + 180 րոպե): 

Առաջադրանքը կատարվում է A2 ձևաչափի գծագրական թղթի վրա (վատման)` տարբեր կոշտության գրաֆիտե սև մատիտներով:  

Քննական առաջադրանքը ներառում է հետևյալ բաղադրիչները՝  

• Թղթի վրա դիմաքանդակի և նատյուրմորտի չափի ճիշտ ընկալում, տեղադրում և կառուցում, 
• Կառուցման խնդիրների լուծում` հաշվի առնելով առարկաների ձևաստեղծման, համաչափությունները  և մասշտաբային ճշտությունը: 
• Լուսաստվերների ճիշտ կատարման շնորհիվ պատկերի ծավալային մշակում և գծանկարի կատարման որակի ապահովում: 

• Տոնայնության և նյութականության վերարտադրություն. կատարման տեխնիկայի և հնարքների հմուտ կիրառում: 
• Սահմանված ժամկետում նյութի գրագետ կիրառմամբ քննական պահանջները բավարարող ավարտուն աշխատանքի կատարում,   

Առաջադրանքի գնահատման չափանիշներն են՝ 

1. Գիպսե դիմաքանդակի կամ նատյուրմորտի օպտիմալ չափն ու տեղադրումը A2 ձևաչափի թղթի վրա – 0-5 միավոր: 

1. Գիպսե դիմաքանդակի և նատյուրմորտի համաչափությունները և կառուցումը – 0-5 միավոր: 

1. Գծանկարի կատարման գրաֆիկական և տեխնիկական հմտությունները – 0-5 միավոր: 

1. Լույսի և ստվերի մշակումով առարկաների ծավալային ընկալման և նյութի արտահայտման հմտությունը – 0-5 միավոր: 

 

Նախապես ծածկագրված քննական աշխատանքներն ստուգվում և գնահատվում են հանձնաժողովի անդամների կողմից: Դրական են համարվում 7.5 և բարձր միավորները (համաձայն ՀՀ կառավարության 2012 թվականի ապրիլի 26-ի N 597-Ն որոշման). գնահատման միավորները նշանակվում են հարյուրերորդական մասի պահպանումով, այնուհետև` միջինացվում:

 Ընդամենը՝ 20 միավոր 

  Ձև 1 

«Դիզայն» մասնագիտության համար 

 «Գծանկար» քննական առարկայի վիճակագրությամբ ընտրվող 

դեկորատիվ հարթաքանդակներ 

1. Քննական նատյուրմորտի օրինակներ տարբեր հարթաքանդակներով՝ կճուճով և կտորով
(«Դիզայն» մասնագիտություն)

ա) Խաղողի տերևներով նատյուրմորտ	բ) Բուսական տարրով նատյուրմորտ	գ) Խնձորով նատյուրմորտ

 

«Կոմպոզիցիա» առարկայի ուղեցույցի թարմացված տարբերակ, քննական երկրաչափական մարմինների ցանկ: 

2025-2026 ՈւՍՈւՄՆԱԿԱՆ ՏԱՐՎԱ ԸՆԴՈւՆԵԼՈւԹՅԱՆ (ԸՍՏ ԲԱԿԱԼԱՎՐԻ Ու ԱՆԸՆԴՀԱՏ ԵՎ ԻՆՏԵԳՐԱՑՎԱԾ ԿՐԹԱԿԱՆ ԾՐԱԳՐԵՐԻ) ՆԵՐԲՈւՀԱԿԱՆ   ՔՆՆԱԿԱՆ ԱՌԱՐԿԱՅԻ՝ «ԿՈՄՊՈԶԻՑԻԱ»-Ի ՄԱՍՆԱԳԻՏԱԿԱՆ ԾՐԱԳԻՐԸ, ՔՆՆԱԿԱՆ ԱՌԱՋԱԴՐԱՆՔԸ ԵՎ ԳՆԱՀԱՏՄԱՆ ՉԱՓԱՆԻՇՆԵՐԸ

 

ՄԱՍՆԱԳԻՏՈւԹՅՈւՆ

021201.00.6 - «Դիզայն»

 

ԿՈՄՊՈԶԻՑԻԱ

Մասնագիտական ծրագիր. 

      Ներկայացված կոմպոզիցիայի դիտարկմամբ ստուգվում և  գնահատվում են դիմորդի ստեղծագործական կարողությունները և կատարողական հմտությունները՝ քննական պահանջների  պահպանմամբ: Թույլատրելի է գծագրական գործիքների կիրառումը: Երկրաչափական մարմինների ընտրությունը կատարվում է վիճակահանությամբ  (համաձայն Ձև 1-ի)։ Դիմորդների նստատեղերի ընտրությունը, ըստ համարակալման, նույնպես կատարվում է վիճակահանությամբ:

Աշխատանքի կատարման համար տրվում է 4 ժամ (240 րոպե)՝ առանց ընդմիջման:

Աշխատանքի գնահատման համար կարևորվում է ներկայացված պահանջների ապահովումը:

Աշխատանքը կատարվում է A3 ձևաչափի գծագրական թղթի (վատման)  վրա գրաֆիտե սև    մատիտով:

 

Քննական առաջադրանք.

  Ընտրված երկրաչափական մարմինների համակցմամբ ստեղծել ծավալային եռաչափ կոմպոզիցիա՝ կատարելով այն երկու կետով կառուցվող հեռանկարի սկզբունքով և լուսաստվերային մշակմամբ:

 Առաջադրանքի կատարման համար վիճակահանության սկզբունքով թվով 10 (տասը) երկրաչափական մարմիններից /խորանարդ, գլան, գունդ, կոն, քառանկյուն բուրգ, վեցանկյուն  պրիզմա, ուղղանկյուն պրիզմա, սալիկ՝ քառանկյուն, սալիկ՝ վեցանկյուն, տափօղակ/,ընտրվում են 5 (հինգ) երկրաչափական մարմիններ, որոնցից յուրաքանչյուրը 2 և ավելի անգամ պարտադիր պետք է կիրառել քննական առաջադրանքում․ միաժամանակ արգելվում է այլ մարմինների պատկերումը:

 

Քննական պահանջներ.   

• Առաջադրանքը կատարել հորիզոնական կամ ուղղահայաց դասավորությամբ՝ կարևորելով ընդհանուր կոմպոզիցիայի տեղադրման և համաչափական սկզբունքները:
• Կոմպոզիցիայի ամբողջական կառուցում՝ բացառելով խորը   հեռանկարի բազմապլանային կատարման սկզբունքը:
• Ապահովել ինչպես ընդհանուր կոմպոզիցիայի, այնպես էլ կոմպոզիցիայում կիրառված առանձին երկրաչափական մարմինների՝ երկու կետով հեռանկարի կառուցումը:
• Կատարել առաջադրանքի լուսաստվերային մշակում գծանկարի շտրիխային տեխնիկայով:
• Ծավալային կոմպոզիցիայի դիտման կետը և պայմանական լույսի աղբյուրը ընտրել ըստ հայեցողության:
• Աշխատանքում կիրառել համակցման /մեկ մարմինը մյուսով հատելու/, մասնատման և հանման սկզբունքները:
• Վիճակահանության սկզբունքով ընտրված թվով 5 (հինգ) երկրաչափական մարմիններից յուրաքանչյուրը 2 և ավելի անգամ պարտադիր կիրառել կոմպոզիցիոն առաջարկում:

Առաջադրանքի գնահատման չափանիշներ.

        Եթե կատարված քննական առաջադրանքում պատկերված չեն, կամ պատկերված է վիճակահանությամբ հատկացված  մարմինները մեկական, կամ այլ մարմիններ, ապա քննական աշխատանքը, անկախ կատարման ձևից և որակից,  չի քննվում և չի գնահատվում:

 

№	Հիմնական չափանիշներ	№	Պարամետրեր	Միավորներ
1.	Կոմպոզիցիոն լուծում	1	A3 ձևաչափում կոմպոզիցիայի գրագետ տեղադրում	5	20
		2	Կոմպոզիցիոն մտահղացման ինքնատիպ և կերպարային լուծում
		3	Երկրաչափական մարմինների համակցման սկզբունքի /մեկ մարմինը մյուսով հատելու/ կիրառում
		4	Երկրաչափական մարմինների մասնատման սկզբունքի կիրառում
		5	Երկրաչափական մարմինների հանման սկզբունքի կիրառում
2.	Կառուցում	1	Համակցվող  /մեկ մարմինը մյուսով հատվող/ երկրաչափական մարմինների գրագետ կառուցում	5
		2	Մասնատված երկրաչափական մարմինների գրագետ կառուցում
		3	Եկրաչափական մարմիններից ռելիեֆային ձևափոխում և գրագետ կառուցում՝ հանման եղանակով
		4	Երկու կետով կառուցվող հեռանկարի պահանջների պահպանում
		5	Երկրաչափական մարմինների կառուցման գծային թույլ արտահայտում
3.	Կատարողական հմտություններ և կարողություններ	1	Լուսաստվերային մշակում	5
		2	Տոնային մշակում
		3	Գծանկարի շտրիխային տեխնիկայի տիրապետում
		4	Կոմպոզիցիայի դիտման կետի ընտրություն
		5	Համաչափությունների պահպանում
4.	Աշխատանքի ամփոփում	1	Աշխատանքի ավարտվածություն	5
		2	Աշխատանքի մատուցում
		3	Աշխատանքի արտահայտչականություն
		4	Կոմպոզիցիոն մտահղացման բարդություն
		5	Կոմպոզիցիոն մտահղացման լիարժեք բացահայտում

 

Ընդամենը՝ 20 միավոր

Նախապես ծածկագրված քննական աշխատանքը ստուգվում և գնահատվում է քննական հանձնաժողովի բոլոր անդամների կողմից անհատապես` համաձայն գնահատման կից ներկայացված չափանիշների: Ստացված հանրագումարային միավորը միջինացվում է 20.00 (քսան) միավորի սահմանում: Դրական են համարվում 7.5 և բարձր միավորները (համաձայն ՀՀ կառավարության 2012 թվականի ապրիլի 26-ի N 597-Ն որոշման) ․ գնահատման միավորները նշանակվում են հարյուրերորդական մասի պահպանմամբ:

 

 «Դիզայն» մասնագիտության «ԿՈՄՊՈԶԻՑԻԱ» քննական առարկայի առաջադրանքի երկրաչափական մարմիններ

1. Գիպսե երկրաչափական մարմիններ «Դիզայն» մասնագիտության դիմորդների համար:

 

    Ձև 1

 

Գիտելիքի, ստեղծագործական կարողությունների թեստ (ԳՍԿԹ):

 

ՃԱՐՏԱՐԱՊԵՏՈւԹՅԱՆ  ԵՎ  ՇԻՆԱՐԱՐՈւԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆԻ

2024-2025 ՈւՍՈւՄՆԱԿԱՆ ՏԱՐՎԱ ԸՆԴՈւՆԵԼՈւԹՅԱՆ (ԸՍՏ ԲԱԿԱԼԱՎՐԻԱՏԻ Ու ԱՆԸՆԴՀԱՏ ԵՎ ԻՆՏԵԳՐԱՑՎԱԾ ԿՐԹԱԿԱՆ ԾՐԱԳՐԵՐԻ) ՆԵՐԲՈւՀԱԿԱՆ` ԳԻՏԵԼԻՔԻ, ՍՏԵՂԾԱԳՈՐԾԱԿԱՆ ԿԱՐՈՂՈՒԹՅՈՒՆՆԵՐԻ ԹԵՍՏԻ («ԳՍԿԹ»)  ՔՆՆԱԿԱՆ ԱՌԱՐԿԱՅԻ ՄԱՍՆԱԳԻՏԱԿԱՆ ԾՐԱԳՐԵՐԸ, ՔՆՆԱԿԱՆ ԱՌԱՋԱԴՐԱՆՔՆԵՐԸ ԵՎ ԳՆԱՀԱՏՄԱՆ ՉԱՓԱՆԻՇՆԵՐԸ

 

ՄԱՍՆԱԳԻՏՈւԹՅՈւՆ

«073101.00.6 - Ճարտարապետություն»

 

Գիտելիքի, ստեղծագործական կարողությունների թեստի կառուցվածքը

Թեստը կազմված է 3 հիմնական գիտակարգերից․

1. Մաթեմատիկա և տրամաբանություն,
2. Արվեստ և ճարտարապետություն,
3. Գծագրություն:

1.  «Մաթեմատիկա և տրամաբանություն» գիտակարգը ներառում է հետևյալ բաժինները․ 

1. Հանրահաշիվ, 
2. Երկրաչափություն, 
3. Տրամաբանություն։  

 

1. «Հանրահաշիվ».

• Գործողություններ բնական թվերի հետ: Բաժանելիության հայտանիշները: Պարզ և բաղադրյալ թվեր: Ամենամեծ ընդհանուր բաժանարար: Ամենափոքր ընդհանուր բազմապատիկ: Ամբողջ թվերի համեմատում: Գործողություններ ամբողջ թվերի հետ:
• Կոտորակներ: Սովորական կոտորակներ: Անկանոն և կանոնավոր կոտորակներ: Կոտորակների համեմատում: Կոտորակների գումարում և հանում: Կոտորակների բազմապատկում և բաժանում: Տասնորդական կոտորակներ: Տասնորդական կոտորակների համեմատում:  Տասնորդական կոտորակների գումարում և հանում: Տասնորդական կոտորակների բազմապատկում և բաժանում: Տասնորդական կոտորակի վերածումը սովորական կոտորակի և հակառակը: 
• Ռացիոնալ թվերի համեմատում: Ռացիոնալ թվերի բազմապատկում և բաժանում:
• Թվի աստիճան, թվի արմատ: Թվի բացարձակ արժեք:
• Իրական թվի n-րդ աստիճանի արմատը: n-րդ աստիճանի արմատի հատկություններ: Իրական թվի ռացիոնալ ցուցիչով աստիճան: Իրական թվի իռացիոնալ ցուցիչով աստիճան:
• Կրճատ բազմապատկման բանաձևեր:
• Մասշտաբ: Հարաբերություն: Համեմատություն: Մաս: Տոկոս:
• Հավասարումներ և անհավասարումներ: Գծային երկանդամ: Գծային հավասարումներ և անհավասարումներ: Քառակուսային եռանդամ: Քառակուսային հավասարումներ և անհավասարումներ:
• Միջին թվաբանական և միջին երկրաչափական:
• Միացությունների տեսության տարրեր: Կարգավորություններ: Տեղափոխություններ: Զուգորդություններ:
• Ֆունկցիաներ: Ֆունկցիաների գրաֆիկներ: Տարրական ֆունկցիաներ, դրանց գրաֆիկներ: Հակադարձ ֆունկցիա, հակադարձ ֆունկցիայի գրաֆիկ: Ֆունկցիայի գրաֆիկի ձևափոխություններ: Երկու փոփոխականով գծային հավասարման գրաֆիկ: Երկու փոփոխականով գծային հավասարումների համակարգերի լուծման գրաֆիկական եղանակ:

 

2. «Երկրաչափություն»․ 

    2.1 Հարթաչափություն

• Զուգահեռ ուղիղներ: Երկու ուղիղների զուգահեռության հայտանիշներ:
• Եռանկյուններ։ Եռանկյան միջնագծեր, կիսորդներ և բարձրություններ։ Եռանկյունների հավասարության հայտանիշներ: Հատվածի միջնուղղահայաց և անկյան կիսորդ: Ուղղանկյուն եռանկյուն: Պյութագորասի թեորեմ։ Առնչություններ ուղղանկյուն եռանկյան կողմերի և անկյունների միջև։ Առնչություններ եռանկյան կողմերի և անկյունների միջև։ Եռանկյան անհավասարություն: Եռանկյան չորս նշանավոր կետեր։ Եռանկյան միջին գիծ։ Թալեսի թեորեմ: Նման եռանկյուններ։ Եռանկյունների նմանության հայտանիշներ։ Նման եռանկյունների հատկություններ։ 
• Բազմանկյուններ։ Ուռուցիկ բազմանկյուն։ Քառանկյուն: Զուգահեռագիծ։ Ուղղանկյուն: Շեղանկյուն: Քառակուսի: Բազմանկյան մակերես։ Ուղղանկյան մակերես: Քառակուսու մակերես: Զուգահեռագծի մակերես: Շեղանկյան մակերես: Եռանկյան մակերես: Սեղանի մակերես: Քառանկյան մակերես: Եռանկյան մակերեսի, կողմերի և արտագծյալ շրջանագծի կապ: Սինուսների և կոսինուսների թեորեմներ։ Հերոնի բանաձև: Սեղան։ Սեղանի միջին գիծ: 
• Շրջանագիծ։ Շրջանագծի շոշափող: Կենտրոնային և ներգծյալ անկյուններ։ Շրջանագծի հավասարում։ Շրջանագծի երկարություն։ Շրջանագծի աղեղի երկարություն: Հատվող լարերի հատկություն: Շրջանի, սեկտորի և սեգմենտի մակերեսները։ Ներգծյալ և արտագծյալ շրջանագծեր:
• Կանոնավոր բազմանկյուններ։ Կանոնավոր բազմանկյանն արտագծած և ներգծած շրջանագիծ: Կանոնավոր բազմանկյան մակերեսի, նրա կողմերի և ներգծած շրջանագծի շառավղի հաշվման բանաձևեր:

2․2 Տարածաչափություն 

• Երկու ուղիղների փոխադարձ դիրքը տարածության մեջ: Երկու ուղիղների կազմած անկյուն: Ուղղահայաց և թեք, ուղղի և հարթության կազմած անկյուն, երեք ուղղահայացների թեորեմ: Երկնիստ անկյուն: 
• Բազմանիստեր։ Պրիզմա: Պրիզմայի լրիվ և կողմնային մակերևույթի մակերես: Քառանիստ: Զուգահեռանիստ: Ուղղանկյունանիստ: Բուրգ: Կանոնավոր բուրգ: Հատած բուրգ:
• Պտտական մարմիններ։ Գլան: Կոն: Գունդ: Գլանի մակերևույթի մակերես: Կոնի մակերևույթի մակերես: Հատած կոն: Գնդային մակերևույթի մակերես:
• Մարմինների ծավալներ: Ուղղանկյունանիստի ծավալ: Ուղիղ պրիզմայի ծավալ: Գլանի ծավալ: Բուրգի ծավալ: Կոնի ծավալ: Գնդի ծավալ: 

3.  «Տրամաբանություն».

Նպատակն է ստուգել դիմորդի դատողություններ անելու և վերլուծական հմտություն ցուցաբերելու կարողության մակարդակը։

Կազմված է օրինաչափությունները բացահայտելու, վերլուծելու, տարածական հարաբերությունները, կառուցվածքային սկզբունքները և նախագծման սահմանափակումները հասկանալու հարցերից:

   II. «Արվեստ և ճարտարապետություն» գիտակարգը ներառում է հետևյալ բաժինները․ 

1. Արվեստի և ճարտարապետության հայկական օրինակներ,
2. Արվեստի և ճարտարապետության համաշխարհային օրինակներ,
3. Ճարտարապետական խնդիրներ,
4. Ճարտարապետական տեքստի ընկալում։

      1.Արվեստի և ճարտարապետության հայկական օրինակներ.

•  Հայկական ճարտարապետական հանրաճանաչ կառույցներ (հանրային և բնակելի կառույցներ, հրապարակներ, վանքային համալիրներ, հուշարձաններ և այլն): Ճարտարապետական կառույցների ժամանակագրություն, տեղադիրք և հեղինակի մասին տվյալների իմացություն:

      2. Արվեստի և ճարտարապետության համաշխարհային օրինակներ.

•  Համաշխարհային ճարտարապետական հանրաճանաչ կառույցներ (հանրային և բնակելի կառույցներ, հրապարակներ, վանքային համալիրներ, հուշարձաններ և այլն): Ճարտարապետական կառույցների ժամանակագրություն, տեղադիրք և հեղինակի մասին տվյալների իմացություն:

       3. Ճարտարապետական խնդիրներ.  

• Ճարտարապետական կառույցների եռաչափ, սխեմատիկ և հատակագծային պատկերներ, ճարտարապետական միջավայրի հեռանկարներ համեմատելու կարողություններ, տեսողական և տրամաբանական ընկալման խնդիրներ վերլուծելու հմտություններ:

      4. Ճարտարապետական տեքստի ընկալում.

• Ճարտարապետության վերաբերյալ տեքստեր և պարբերականներ ընկալելու և հարցերին պատասխանելու հմտություններ:

     III «Գծագրություն» գիտակարգը ներառում է հետևյալ բաժինները.

1. Լծորդում
2. Աքսոնոմետրիա, հատույթ, պրոյեկցիա

 

1. Լծորդում

Նպատակաուղղված է ստուգելու դիմորդների` ուղղի և շրջանագծի, ինչպես նաև երկու շրջանագծերի շոշափման երկրաչափական օրինաչափություններով խնդիրների կատարման ունակությունները։ Լծորդման բաժնի խնդիրները ենթադրում են․ 

• Շրջանագծին շոշափող ուղղի կառուցում,
• Երկու շրջանագծերին շոշափող ուղղի կառուցում,
• Տրված երկու գծերին շոշափող և տրված շառավղով շրջանագծի կառուցում,
• Երկու գծերին շոշափող շրջանագծի կառուցում, եթե տրված է շոշափման կետերից մեկը։

 

 

2. Աքսոնոմետրիա, հատույթ, պրոյեկցիա 

Նպատակաուղղված է ստուգելու դիմորդների՝ գրաֆիկական աշխատանքների կատարման ունակությունները, ծավալատարածական ընկալման և պատկերման մակարդակը։ 

• Երկրաչափական կառուցման հիմնական խնդիրներ, կառուցման գծերի տարբերություններ
• Պրոյեկտման մեթոդներ, ուղղանկյուն և զուգահեռ պրոյեկցիաներ,
• Երկրաչափական մարմինների համալիր գծագրերի և աքսոնոմետրիկ պրոյեկցիաների կառուցման կանոններ,
• Հատույթներ և կտրվածքեր։
• «Հատույթներ և կտրվածքներ» բաժնի խնդիրները ենթադրում են․ 
• Կտրել հարթությունը՝ առարկան բաժանելով երկու մասի։ 
• Ընտրել կտրող հարթությանն ուղղահայաց դիտման ուղղություններից մեկը։ 
• Մտովի հեռացնել առարկայի այն մասը, որը դասավորված է դիտողի և կտրող հարթության միջև։ 

Առաջադրանքի առաջին հատվածի արդյունքները լրացվում են ձևաթղթում (Հավելված 1), իսկ երկրորդ՝ «Գծագրություն» բաժնի առաջադրանքը կատարվում է A2 ձևաչափի գծագրական թղթի վրա։ 

Թեստի ամբողջական կատարման և ձևաչափի լրացման համար սահմանվել է 4 աստղաբաշխական ժամ՝ (240 րոպե):

Թեստը գնահատվում է 20 միավոր, որը բաշխվում է հետևյալ կերպ․ 

Աղյուսակ 1. Թեստի բաժինների գնահատումը

Հ/Հ	Գիտակարգ/բաժին	Հարցերի քանակ	Միավոր
1	Մաթեմատիկա և տրամաբանություն	15	7,5
1․1	Հանրահաշիվ	4	2
1․2	Երկրաչափություն	8	4
1․3	Տրամաբանություն	3	1,5
2	Արվեստ և ճարտարապետություն	11	5,5
2․1	Արվեստի և ճարտարապետության հայկական օրինակներ	3	1,5
2․2	Արվեստի և ճարտարապետության համաշխարհային օրինակներ	3	1,5
2․3	Ճարտարապետական խնդիրներ	3	1,5
2․4	Ճարտարապետական տեքստի ընկալում	2	1
3	Գծագրություն	2	7
3․1	Լծորդում	1	3
3․2	Աքսոնոմետրիա, հատույթ, պրոյեկցիա	1	4
	Ընդհանուր	28	20