ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆԻ ԱՎԱԳ ԴՊՐՈՑ
Դպրոցը կառուցվել է 1933 թ. և կոչվում է անվանի հայագետ, հասարակական գործիչ, գրականագետ, բանահավաք, ՀԽՍՀ գիտությունների ակադեմիայի ակադեմիկոս Մանուկ Աբեղյանի անունով:
ՀՀ կրթության, գիտության, մշակույթի և սպորտի նախարարության առաջարկով 2011 թ. մարտի 1-ին ՃՇՀԱՀ-ի և Մանուկ Աբեղյանի անվան թիվ 3 ավագ դպրոցի միջև կնքվել է պայմանագիր, որի նպատակն է դպրոցում ճարտարապետաշինարարական մասնագիտությունների վերաբերյալ պատկերացումներ ձևավորել և լրացուցիչ ծրագրերի իրականացման միջոցով ընդլայնել շրջանավարտների գիտելիքները։
2013 թ. 84-ամյա պատմություն և ավանդույթ ունեցող դպրոցը ՃՇՀԱՀ-ին փոխանցվեց որպես հենակետային դպրոց:
Դպրոցն իր պատմության ընթացքում տվել է այնպիսի շրջանավարտներ, որոնք հետագայում գիտական, մշակութային և քաղաքական դաշտում կերտել են Հայաստանի ապագան: Նրանց թվում են 2000-2007 թթ. ՀՀ վարչապետ Անդրանիկ Մարգարյանը, Կրթության, գիտության, մշակույթի և սպորտի նախարար Վահրամ Դումանյանը և ուրիշներ:
2011 թ. մայիսին սկսվել է դպրոցի շենքի հիմնանորոգումն ու վերակառուցումը։ Վերակառուցման աշխատանքների ընթացքում շենքի հիմքերն ամրացվել են, կառուցվել է նոր կաթսայատուն, վերակառուցվել է ջրային համակարգը, դասասենյակները տեխնիկապես վերազինվել և կահավորվել են։
2012 թ. Մ. Աբեղյանի անվան ավագ դպրոցին է միացվել ՃՇՀԱՀ հենակետային վարժարանը: Ճարտարապետության և շինարարության Հայաստանի ազգային համալսարանի Մ․ Աբեղյանի անվան ավագ դպրոցի 11Ֆ2 դասարանի աշակերտ Դավիթ Էդուարդի Կավկասյանը ՀՀ կրթության, գիտության, մշակույթի և սպորտի նախարարության 5-12-րդ դասարանի աշակերտների համար հայտարարված մրցույթի, ինչպես նաև մեդիագրագիտության շաբաթվա ընթացքում «Դիմակայում ենք լրավարակին» խորագրով մրցույթի շրջանակներում զբաղեցրել է առաջին հորիզոնական։
