ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

Համալսարանի գիտության վարչության գործունեությունը կանոնակարգվում է  բնագավառի օրենքների, Համալսարանի կանոնադրության, ներքին ակտերի և իր կանոնակարգի պահանջներին համապա­տասխան:

 Վարչության  նպատակն  է  Համալսարանում իրականացվող գիտահետազոտական աշխատանքների համակարգումը, Համալսարանի գիտական, գիտակրթական և մտավոր ներուժի արդյունավետ օգտագործումը և զարգացումը, գիտական պարբերականների, գիտական և ուսումնամեթոդական գրականության հրատարակչական աշխատանքների կազմակերպումը և միջազգայնացումը, ինչպես նաև հետբուհական կրթության կազմակերպումը:  

Վարչության  հիմնական խնդիրներն են՝

• Համալսարանի գիտության քաղաքականության և ռազմավարության, գիտական հետազոտությունների առաջնահերթ, միջնաժամկետ  և հեռանկարային ծրագրերի մշակումը և դրանց իրականացման մշտադիտարկումը,  
• համալսարանի գիտական պարբերականների, գիտական և ուսումնամեթոդական գրականության հրատարակչական աշխատանքների ապահովումը,
• հետբուհական կրթության կազմակերպումը՝ ապահովելով դրա ելքային արդյունքների համապատասխանությունը որակավորումների ազգային և միջազգային շրջանակներով սահմանված պահանջներին,
• գիտահետազոտական գործունեությանն առնչվող փաստաթղթավորման կազմակերպումը,
• Համալսարանի գիտաշխատողներին, դասախոսներին, ասպիրանտներին և ուսանողներին աջակցությունը և խորհրդատվության տրամադրումը,
• գիտաչափական ցուցանիշների մշակումը,
• գիտահետազոտական աշխատանքների վերաբերյալ տվյալների հավաքագրումն ու համակարգումը, դրանց իրականացման մշտադիտարկումն ու արդյունքների վերլուծությունը,
• արտերկրի գիտական կազմակերպությունների և գիտնականների հետ համագործակցային կապերի ձևավորումը,
• իր իրավասության սահմաններում հանրապետական և միջազգային գիտաժողովների կազմակերպումն ու իրականացումը:

Վարչության կառուցվածքային միավորներն են.

• գիտական քաղաքականության մշակման և համակարգման բաժինը,
• ասպիրանտուրայի և գիտական տեղեկատվության բաժինը: