ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

Տևողությունը՝ 36 ժամ

Շաբաթական 3 օր/2 ժամ

Սկիզբը՝  սեպտեմբերի 19-ից, ժամը 16:30

ՆԿԱՐԱԳԻՐ

Autodesk Revit Architecture դասընթացի սկզբում կծանոթանաք գծագրման, խմբագրման և դիտարկման հիմնական գործիքներին։ Այնուհետ կսովորեք կիրառել նախագծման, այդ թվում՝ պատերի, դռների, պատուհանների, հատակների, առաստաղների, աստիճանների և այլ օբյեկտների մոդելավորման գործիքները, որից հետո մոդելը կփոխադրեք նախագծային/շինարարական փաստթղթավորման փուլ։

Դասավանդման մեթոդաբանությունը միտված է ծրագրակազմի ողջ տրամաբանության և լայն հնարավորությունների ներկայացմանը, ինչը թույլ կտա հետագա աշխատանքի ընթացքում առավել զարգացնել գիտելիքները և հեշտությամբ մասնագիտանալ՝ ժամանակի ընթաքում առավել հմտորեն օգտվելով Autodesk Revit-ից։

 Դասընթացը նախատեսված է`

• ճարտարապետների,
• դիզայներների,
• նախագծողների,
• նշված ոլորտների ուսանողների համար:

ՀՄՏՈՒԹՅՈՒՆՆԵՐ

Դասընթացի ավարտին կկարողանաք իրականացնել ցանկացած բարդության ճարտարապետական նախագծի մոդելավորում, եռաչափ մոդելից կարճ ժամանակում կկարողանաք ստեղծել աշխատանքային գծագրեր և ծավալաթերթեր:

Դասընթացի ավարտին կշնորհվի Ճարտարապետության և շինարարության Հայաստանի ազգային համալսարանի և Autodesk ընկերության պաշտոնական հավաստագիր:

Ցանկացողները կարող են նաև հավաստագրման քննություն հանձնել ՃՇՀԱՀ -ում գործող հավաստագրման համաշխարհային առաջատար Pearson VUE ընկերության Certiport լիազորված հավաստագրման կենտրոնում՝ Autodesk Certified User հավաստագիր ձեռք բերելու նպատակով։

ԴԱՍԱՎԱՆԴՈՂՆԵՐԸ

Դասավանդողները Autodesk-ի կողմից հավաստագրված պրոֆեսիոնալներ են, որոնք գրանցված են Autodesk ընկերության հավաստագրված մասնագետների նույնականացման հետևյալ հարթակում :

ԱՅԼ ՏԵՂԵԿԱՏՎՈՒԹՅՈՒՆ

• Ճարտարապետության և շինարարության Հայաստանի ազգային համալսարանի և Հայաստանի ազգային պոլիտեխնիկական համալսարանի ուսանողներն ու աշխատակիցները կարող են դասընթացին մասնակցել 10% զեղչով։