ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

Տևողությունը՝ 48 ժամ Շաբաթական 2 օր/2 ժամ	Ձևաչափը՝ առկա	Սկիզբը՝ 19:00   Գրանցված մասնակիցները  կտեղեկացվեն դասընթացի մեկնարկի մասին	Արժեքը՝ 150.000 ՀՀ դրամ

ՆԿԱՐԱԳԻՐ

ՀՀ աշխատաշուկայում առկա է շինարարության ոլորտի գնագոյացման և նախահաշիվների կազմման, շինարարության գնագոյացման ոլորտում ճիշտ որոշումների կայացման, շինարարական աշխատանքների և դրանց գնահատման հմտությունների տիրապետող մասնագետների մեծ պահանջարկ։

Հաշվի առնելով վերոնշյալը՝ ՃՇՀԱՀ նորարարության և ձեռներեցության աջակցման կենտրոնը կազմակերպում է «Գնագոյացում և նախահաշվի կազմում ՀՀ շինարարության ոլորտում» վերապատրաստման դասընթաց, որի նպատակն է տրամադրել գործնական գիտելիքներ և հմտություններ՝ շինարարության ոլորտի նախահաշվային փաստաթղթերն «ընթերցելու», դրանք մշակելու և մրցութային փաթեթներ պատրաստելու համար:

  Դասընթացի արդյունքում կտիրապետեք՝

• շինարարության ոլորտում գնագոյացման և նախահաշվային նորմավորման տեսական հիմունքներին,
• շինարարական արտադրանքի արժեքի որոշման սկզբունքային սխեմային,
• շինարարական արտադրանքի արժեքի որոշման հիմնական եղանակներին,
• շինարարական արտադրանքի նախահաշվային արժեքի որոշման ձևաթղթերին,
• շինարարական արտադրանքի նախահաշվային արժեքի որոշման հիմնական իրավական ակտերին և նորմատիվային փաստաթղթերին,
• ՀՀ նախահաշվային նորմատիվային բազայի կիրառմանը,
• շենքերի և կառուցվածքների նախահաշիվների և նախահաշվային հաշվարկների վերլուծությանը,
• առանձին աշխատանքների միավոր արժեքների որոշմանը,
• լոկալ, օբյեկտային և ամփոփ նախահաշիվների մշակմանը։

 Դասընթացը նախատեսված է

• ճարտարագետ-տնտեսագետների համար,
• ճարտարագետ-շինարարների համար,
• բոլոր նրանց համար, ովքեր մտադիր են վերապատրաստվել և ընդլայնել շինարարության ոլորտում գնագոյացման վերաբերյալ գիտելիքները:

ՀԱՎԱՍՏԱԳԻՐ

Դասընթացի մասնակիցները ՃՇՀԱՀ-ի կողմից կստանան․

	մասնակցության հավաստագիր՝ առնվազն 85% ներկայության դեպքում,
	դասընթացը հաջողությամբ ավարտելու մասին հավաստագիր՝ առնվազն 85% ներկայության և ամփոփիչ առաջադրանքի առնվազն 80% ապահովման դեպքում:

ԴԱՍԸՆԹԱՑԻ ԾՐԱԳԻՐ

ԴԱՍԱՎԱՆԴՈՂ

Ավագիմյան Ռիտա Էդուարդի

• Ճարտարապետության և շինարարության Հայաստանի ազգային համալսարանի Էկոնոմիկայի, իրավունքի և կառավարման ամբիոնի դասախոս: Դասավանդում է «Շինարարության տնտեսական հարցեր և նախահաշվային գործ», «Շինարարության էկոնոմիկա», «Ճյուղի տնտեսագիտություն» դասընթացները
• SAFEGE-EPTISA Ֆրանսիական ընկերության ինժիներատեխնիկական և գնագոյացման հարցերով խորհրդատու
• ՀՀ Քաղաքաշինության կոմիտեի գնագոյացման աշխատանքային հանձնաժողովի անդամ
• Շինարարների միության փորձագետ
• Համաշխարհային բանկի և Եվրասիական բանկի ծրագրերի իրականացման ղեկավար
• Տենդերային փաստաթղթերի և գնային առաջարկների կազմման բազմամյա փորձ

Տաթևիկ Մհերի Բոյախչյան

• Ճարտարապետության և շինարարության Հայաստանի ազգային համալսարանի Էկոնոմիկայի, իրավունքի և կառավարման ամբիոնի դասախոս: Դասավանդում է «Շինարարական էկոնոմիկա», «Ճյուղի տնտեսագիտություն և նախահաշվային գործ» դասընթացները
• Բակալավրի կրթական ծրագրերով դասախոսությունների, սեմինարների, վերապատրաստման դաընթացների վարում

ԱՅԼ ՏԵՂԵԿԱՏՎՈՒԹՅՈՒՆ

Ճարտարապետության և շինարարության Հայաստանի ազգային համալսարանի ուսանողներն ու աշխատակիցները կարող են դասընթացին մասնակցել 10% զեղչով։