«Շինարարական կոնստրուկցիաներին վերաբերող առարկանները դասավանդվել են սկսած 1921 թվականից Երևանի համալսարանի նորաստեղծ ինժեներա-շինարարական ֆակուլտետում:
1931 թվականին ստեղծվել է «Շինարարական կոնստրուկցիաներ» ամբիոնը: 1931-ին մինչև 1967 թվականները ՇԿ ամբիոնի վարիչներն են եղել` դոցենտ Ռուբեն Հակոբյանը (1931-1952 թթ.), տ.գ․թ., դոցենտ Վիկտոր Տեր-Իսրաելյանը (1952-1962 թթ.), պրոֆ. Գուրգեն Աբովյանը (1962-1967 թթ.):
1967 թվականին «Շինարարական կոնստրուկցիաներ» ամբիոնը բաժանվել է 2 ամբիոների` «Երկաթբետոնե, քարե և ամրանաքարե կոնստրուկցիաների, կառույցների սեյսմակայունություն» և «Մետաղե, փայտե և պլաստմասե կոնստրուկցիաների, կառուցվածքների փորձարկում»:
«Երկաթբետոնե, քարե և ամրանաքարե կոնստրուկցիաների, կառույցների սեյսմակայունություն» ամբիոնի վարիչներ են եղել պրոֆ. Հակոբ Բաբայանը (1967-1974 թթ., 1980-1981 թթ.), պրոֆ. Գուրգեն Գրիգորյանը (1974-1977 թ.թ.), դոցենտ Թեմուր Մարգարյանը (1977-1979 թթ.), պրոֆ. Ռոբերտ Ավետիսյանը (1979-1980 թ.թ.), պրոֆ. Բորիս Կարապետյանը (1980-1994 թ.թ.), պրոֆ. Սուրեն Դարբինյանը (1994-1995 թ.թ.): 1995 թվականից ԵԲՔԿ և ԿՍ ամբիոնը ղեկավարել է պրոֆ. Ռոբերտ Ավետիսյանը:
«Մետաղե, փայտե և պլաստմասե կոնստրուկցիաների, կառուցվածքների փորձարկում» ամբիոնի վարիչներ են եղել դոցենտ Ավետիք Տեր-Իսրաելյանը, պրոֆ. Գուրգեն Աբովյանը, դոցենտ Հարմա Սարգսյանը (1972-1977 թթ.), դոցենտ Ժան Զախարյանը (1977-1989 թթ.), դոցենտ Էդմոն Մանուկյանը (1989-2006 թթ.):
Շին. կոնստրուկցիաների ամբիոնում աշխատել են հայտնի գիտնականներ ակադեմիկոս Ա. Նազարովը, տ.գ.դ., պրոֆ. Վ.Վ. Փինաջյանը, տ.գ.թ., պրոֆ. Ս.Պ. Հովնանյանը, տ.գ.թ., պրոֆ Ա.Հ. Սահակյանը: Ամբիոնում աշխատել են նաև տ.գ.թ., դոցենտներ` Վ. Ա. Ստեփանյանը, Տ.Ա. Գորոյանը, Ս.Գ. Իոննիսյանը, Վ.Ք. Ղուկասյանը, Գ.Վ. Վարդանյանը, Ա.Վ. Բելուբեկյանը, Ռ.Հ. Ազարյանը, Ս.Է. Կամսարականը, Ա.Տ. Գորոյանը:
2006 թվականին «Երկաթբետոնե, քարե և ամրանաքարե կոնստրուկցիաների, կառույցների սեյսմակայունություն» և «Մետաղե, փայտե և պլաստամսե կոնստրուկցիաների, կառուցվածքների փորձարկում» ամբիոնները վերամիավորվեցին. ստեղծվեց նոր ամբիոն, որը կրկին կոչվեց «Շինարարական կոնստրուկցիաներ»-ի ամբիոն: Ամբիոնի վարիչ նշանակվեց Ռ. Ս. Ավետիսյանը, ով ղեկավարեց ամբիոնը մինչև 2012 թվականը։
Ներկայումս «Շինարարական կոնստրուկցիաներ» ամբիոնը (2012թվականից սկսած) ղեկավարում է տ․գ․դ․, պրոֆ․ Տ․Լ․ Դադայանը։
Ամբիոնը հանդիսանում է ՃՇՀԱՀ-ի առանցքային ամբիոններից մեկը, որտեղ դասավանդվում են ոլորտի բազմաթիվ առարկաներ՝ «Երկաթբետոնե կոնստրուկցիաներ», «Մետաղե կոնստրուկցիաներ», «Քարե և ամրանաքարե կոնստրուկցիաներ», «Կառուցվածքների սեյսմակայունություն», «Եռակցում և եռակցովի միացումներ», «Փայտե և պլաստմասե կոնստրուկցիաներ», «Շենքերի և կառուցվածքների վերակառուցում», «Շինարարական կոնստրուկցիաների համակարգչային նախագծում», «Մեծաթռիչք տարածական ծածկեր», «Շենքերի և կառուցվածքների զննում և փորձարկում», «Նախալարված երկաթբետոնե և պողպատե կոնստրուկցիաներ», «Ճարտարապետական հուշարձանների վերակառուցում, ուժեղացում և վերականգնում», «Շինարարական կոնստրուկցիաների համակարգչային մոդելավորում և հաշվարկ» և այլն։
Շինարարական կոնստրուկցիաների ամբիոնում հաշվարկների, կուրսային նախագծերի և ավարտական աշխատանքների համար կիրառվում են տարբեր ծրագրային փաթեթներ, սակայն դրանցից հիմնականները AutoCAD, LIRA-FEM և Revit փաթեթներն են: «Շինարարական կոնստրուկցիաներ» ամբիոնը 2018 թվականից համագործակցում է LIRALAND GROUP կազմակերպության հետ:
AutoCAD
https://www.autodesk.com/products/autocad
LiraFEM
Revit
https://www.autodesk.com/products/revit
LIRALAND
