Ճարտարապետության ԵՎ Շինարարության
Հայաստանի ազգային համալսարան

Եվրոպական հավատարմագրում ունեցող համալսարան

Ճարտարապետության ԵՎ Շինարարության
Հայաստանի ազգային համալսարան

Եվրոպական հավատարմագրում ունեցող համալսարան

ՕՐԱԿԱՐԳՈՒՄ ԳԻՏԱԿԱՆ ՄՏՔԻ ԶԱՐԳԱՑՈՒՄՆ Է

Այսօր Ճարտարապետության և շինարարության Հայաստանի ազգային համալսարանի դեկանների, ամբիոնի վարիչների և գիտաշխատողների մասնակցությամբ անցկացվեց խորհրդակցություն՝ գիտական մտքի ներուժն առավել բարձրացնելու, մասնագետների և ուսանողների հետաքրքրությունը գիտության նկատմամբ մեծացնելու նպատակով:

Քննարկման ընթացքում ռեկտորի ժ/պ Եղիազար Վարդանյանն առաջարկեց վերանայել գիտահետազոտական սեկտորի գործունեության կարգը և որոշակի փոփոխություներ մտցնել, մասնավորապես, թեմաների ընտրության և կազմակերպչական հարցերում:

Խորհրդակցության ներկաները նշեցին, որ փոփոխություններն անհրաժեշտ են, քանզի խիստ արդիական են և նպաստավոր՝ մոտ ապագայում գիտության ոլորտում տեսանելի արդյունքներ արձանագրելու համար: Միևնույն ժամանակ, Ճարտարապետության ֆակուլտետի դեկան Սարգիս Թովմասյանը և պրոֆեսոր Յուրի Սաֆարյանը, կարևորելով քննարկվող հարցը, ներկայացրեցին իրենց առաջարկները: 

Հանդիպման ավարտին՝ պարոն Վարդանյանը շնորհակալություն հայտնեց գիտական աշխատանքով զբաղվող բոլոր մասնագետներին և հույս հայտնեց, որ նմանատիպ խորհրդակցությունները համատեղ մտքերը ժողովելու և մեկ ընդհանուր՝ համալսարանի գիտության զարգացման համար առավել արդյունավետ կարգ մշակելու լավագույն տարբերակն են:

1,147  Ընդամենը Դիտված, 3 Դիտվել է այսօր

16.01.20

1,148  Ընդամենը Դիտված, 4 Դիտվել է այսօր