Ճարտարապետության ԵՎ Շինարարության
Հայաստանի ազգային համալսարան

Եվրոպական հավատարմագրում ունեցող համալսարան

Ճարտարապետության ԵՎ Շինարարության
Հայաստանի ազգային համալսարան

Եվրոպական հավատարմագրում ունեցող համալսարան

ՄԵՐ ՀԱՄԱԼՍԱՐԱՆԻ ԱՆՈՒՆԸ՝ ՀԱՅՏՆԻ ԳԻՏԱԿԱՆ ԺՈՂՈՎԱԾՈՒԻ ԷՋԵՐՈՒՄ

Համալսարանն իրականացնելով բազմաթիվ ծրագրեր և խրախուսումներ, խթանող ուժ է հանդիսանում մեր գիտնականների և մասնագետների համար՝ իրենց ոլորտում հաջողություններ գրանցելու և երկրի ու համալսարանի վարկանիշը բարձրացնելու համար: Մասնավորապես անհրաժեշտ է նշել «Ճարտարապետության և շինարարության Հայաստանի ազգային համալսարան» հիմնադրամի աշխատողների խրախուսման կարգը, որը մեծ ակտիվություն ցուցաբերեց համալսարանի գիտական կյանքում:

Ճարտարապետության և շինարարության Հայաստանի ազգային համալսարանն այսօր բարձր գլխով և հպարտությամբ ներկայանալու առիթ ունի: Մեր համալսարանի ֆիզիկամաթեմատիկական գիտությունների թեկնածու, Կրթական ծրագրերի մշակման բաժնի գլխավոր մասնագետ և երիտասարդ մասնագետների գիտական աշխատանքների համակարգող Մանուկ Բարսեղյանը մեծ ոգևորությամբ էր ցուցադրում հանրահայտ Springer-ի կայքէջը, որտեղ զետեղված է մեր համալսարանի անունը՝ իր համահեղինակած «Physics of Quantum rings» գիտական գրքի շնորհիվ:

Մանուկ Բարսեղյանը, ստանալով հրավեր Դրեզդենի համալսարանի Նանոգիտության ինստիտուտի պրոֆեսոր Վլադիմիր Ֆոմինի կողմից՝ ձեռնամուխ եղավ Կանադայի, Չիլիի և Էկվադորի  համալսարանների մասնագիտական խմբերի հետ համատեղ հեղինակել «Physics of Quantum rings»-ի 2-րդ հրատարակության երկու գլուխները: Սեպտեմբերի 2-ին լույս տեսած գիրքն արդեն հասանելի է Springer-ում օնլայն տարբերակով:

 

2,201  Ընդամենը Դիտված, 3 Դիտվել է այսօր

05.09.18

2,202  Ընդամենը Դիտված, 4 Դիտվել է այսօր