(010) 303-300
ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ
100-ամյա պատմություն ունեցող համալսարան
Երեկ Ճարտարապետության և շինարարության Հայաստանի ազգային համալսարանի ռեկտոր Գագիկ Գալստյանը, ՃՇՀԱՀ-ի ֆինանսական գծով պրոռեկտոր Մարինա Ղազարյանը և ՃՇՀԱՀ-ի որակի ապահովման կենտրոնի ղեկավար Վարազդատ Հովհաննիսյանը Հայաստանի պետական տնտեսագիտական համալսարանի ռեկտոր Կորյուն Աթոյանի հետ աշխատանքային այցով Վալենսիայի Պոլիտեխնիկական համալսարանում էին: Այցը «Էրազմուս+» նախագծի «Բարձրագույն կրթության միջառարկայական բարեփոխումներ զբոսաշրջության կառավարման և կիրառական գեոինֆորմացիայի մասնագիտական ոլորտների ուսումնական ծրագրերում» (HERITAG) ծրագրի շրջանակներում էր, որի նպատակն էր խորացնել համալսարանների միջև համագործակցությունը՝ կրթական, գիտական, հետազոտական և վերապատրաստման ոլորտներում։
Գործընկերային այցի ընթացքում Վալենսիայի Պոլիտեխնիկական համալսարանի, Ճարտարապետության և շինարարության Հայաստանի ազգային համալսարանի և Հայաստանի պետական տնտեսագիտական համալսարանի միջև ստորագրվեց համագործակցության եռակողմ համաձայնագիր, որը կնպաստի ուսանողների և պրոֆեսորադասախոսական կազմի փոխանակմանը և հնարավորություն կտա մշակութային ժառանգությանն ու գոեինֆորմացիոն տեխնոլոգիաներին վերաբերող նախագծի կառավարման ոլորտում ստանալ երկաստիճան կրթական որակավորում:
Այցի ընթացքում հայկական պատվիրակությունը հյուրընկալվել է Վալենսիայի Պոլիտեխնիկական համալսարանի ֆակուլտետներում, դպրոցներում, հանդիպել տարբեր կենտրոնների ղեկավարների հետ և քննարկել համալսարանների միջև համագործակցության հեռանկարը:
Այցի մանրամասները՝ տեսանյութում.
