Ճարտարապետության ԵՎ Շինարարության
Հայաստանի ազգային համալսարան

Եվրոպական հավատարմագրում ունեցող համալսարան
  • hy
  • ru
  • en
  • fr

    
ՙՀԱՅԿԱԿԱՆ ՏԱՆ՚ ՄՈԴԵԼՆԵՐՆ ԱՄՓՈՓՎԵՑԻՆ ԿԱՏԱԼՈԳՈՒՄ

Այսօր Ալ. Թամանյանի անվան ճարտարապետության ազգային թանգարան-ինստիտուտում տեղի ունեցավ ՙՀայկական տուն՚ նախագծերի կատալոգի շնորհանդեսը: Կատալոգը հրատարկվել է ՙՄոնԱրխ՚ ընկերության նախաձեռնությամբ և հովանավորությամբ, ինչպես նաև Ճարտարապետության և շինարարության Հայաստանի ազգային համալսարանի դասախոսների և ուսանողների անմիջական աջակցությամբ ու մասնակցությամբ:

 

Հայաստանում յուրատիպ ՙՀայկական տուն՚ ստեղծելու գաղափարը ծնվեց դեռևս 2 տարի առաջ, երբ ռուսաստանաբնակ հայազգի  գործարար, «ՄոնԱրխ» ընկերության սեփականատեր Սերգեյ Համբարձումյանը այցելեց Ճարտարապետության և շինարարության Հայաստանի ազգային համալսարան: Գործարարը մեր համալսարան էր եկել հատուկ առաքելությամբ ու առաջարկով՝ որևէ հայկական գյուղում ստեղծել հայկական տան մոդել, որն իր ճարտարապետաշինարարական կերտվածքով ու կենցաղով զբոսաշրջիկին կպատմեր հայի դարավոր մշակույթի ու նիստուկացի մասին: Առաջարկն ընդունվեց միանշանակորեն և մեր համալսարանի ճարտարապետները, դիզայներներն ու շինարարները լծվեցին այդչափ կարևոր գործին: Ուսումնասիրելով Հայաստանի բնակավայրերը, նրանք, հիմք ընդունելով տեղի բնակավայրերի համար անհատական բնակելի տների ճարտարապետահատակագծային առանձնահատկությունները, ավանդույթները, մշակեցին արդիական լուծումներով վերակառուցման նախագծեր:

 

Այսօր արդեն դասախոսների և ուսանողների մտքից ծնված նախագծերը ներկայացան կատալոգի տեսքով: Շնորհանդեսին ներկա էին ՃՇՀԱՀ-ի ռեկտոր Գագիկ Գալստյանը, Ճարտարապետության ֆակուլտետի դեկան Սարգիս Թովմասյանը, քաղաքաշինության ամբիոնի վարիչ Զառա Մամյանը, նախագծի մասնակից ուսանողները և հյուրեր: Նրանք ողջունեցին նախագիծը և կարևորեցին դրանում հատկապես երիտասարդների ներդրումը, ովքեր ազնվորեն են մոտենում հայկական ճարտարապետական ժառանգությանը և առաջարկում նոր լուծումներ՝ անդավաճան մնալով ակունքներին:

339 Ընդամենը Դիտված, 1 Դիտվել է այսօր

340 Ընդամենը Դիտված, 2 Դիտվել է այսօր

14.04.17
18.07.2017
Դեռևս ամիսներ առաջ Ճարտարապետության և շինարարության Հայաստանի ազգային համալսարան էր ժամանել իտալական ...
14.07.2017
 2017թ. հունիսի 21-22-ին Ճարտարապետության և շինարարության Հայաստանի ազգային համալսարանի (ՃՇՀԱՀ) ...
12.07.2017
Արդեն երկրորդ տարին է, ինչ Ճարտարապետության և շինարարության Հայաստանի ազգային համալսարանի ուսանողները ...
11.07.2017
Հուլիսի 10-ին, Ճարտարապետության և շինարարության Հայաստանի ազգային համալսարանի Շինարարության ֆակուլտետի ...