(010) 303-300

ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

100-ամյա պատմություն ունեցող համալսարան

ՔԱՂԱՔԱՅԻՆ ՏՆՏԵՍՈՒԹՅԱՆ ԵՎ ԷԿՈԼՈԳԻԱՅԻ ՖԱԿՈՒԼՏԵՏԻ ՇՐՋԱՆԱՎԱՐՏՆԵՐԻՆ ՀԱՆՁՆՎԵՑԻՆ ԴԻՊԼՈՄՆԵՐ

Այսօր Ճարտարապետության և շինարարության Հայաստանի ազգային համալսարանում դիպլոմների հանձնման արարողություն էր: Քաղաքային տնտեսության և էկոլոգիայի ֆակուլտետի 52 շրջանավարտ՝ 42 բակալավր և 10-ը՝ մագիստրոս, ստացան իրենց դիպլոմները, որոնցից 13-ը՝ գերազանցության:

Դիպլոմների հանձնման արարողության ներկա էին ռեկտոր Գագիկ Գալստյանը, պրոռեկտորներ, ամբիոնի վարիչներ:

Շնորհավորելով շրջանավարտներին՝ ռեկտոր Գալստյանը նշեց, որ համալսարանն ավարտելը վերջնակետը չէ, այլ միայն սկիզբը՝ նոր կյանքի, նոր գաղափարների և աշխատանքի: Ռեկտորը բոլոր ավարտականներին հորդորեց, առաջին հերթին, սիրել մասնագիտությունը, նվիրվել և հաջողության դռները միշտ բաց կլինեն:

Շրջանավարտները նույնպես իրենց երախտիքի խոսքերը հայտնեցին համալսարանի ղեկավարությանը, Ուսանողական խորհրդին և Կարիերայի կենտրոնին՝ իրենց մշտապես աջակցելու համար:

11.07.18